شمروخ الأراجوز

يا ليلة العيد أنستينا
قطر الصعيد انتحر ماهز قلب الحكومة
داب الحديد انقهر وضميرها واكلاه بارومة
ولا خمسة يونية جديد والخلق رايحين فى نومة
إيه جاى تعمل يا عيد كفاياك هزايم مشومة
شاب الغراب والوليد ولا باينه يا مصر قومة
حكم الخدم والعبيد قطع خلفها – يا ثومة
_____________

انت فين يا مبدع اللحن القديم ؟
ليه رقصت نخاسة
فى سيرك السياسة ؟
كنت حاصرنى على صراط مستقيم
وانت متوضى
من إبريق النجاسة

*********************

الخبرة عبرة...

نهايات منطقية
زمن الرجولة انتهي فا قلع هدوم المغامرة
إلبس جلود الفيران
عصر الشيلان والطرح والمجد للنسوان
لا يقة عليك الموضة يا كداب
من صغرسنك صبي سايق العبط ع الجنان
إمتي طلع لك شنب و لمين وقف لك زبان
كنت الفريد العجيب ألعن من الدبان
أفـْكه من الكتكوت وم السعدان
تنعق بصوت الغراب كلّ امّا عرْق يموت
وتموت في جلدك لو غريمك بان
فاسكر بريق الحنان
إنعَم بعمر الشباب
زيك عصي ع الموت وع الحرمان


ربك مِبارك في عمرك
سيدك عاطيك الأمان
عاطيك هبَل من وسَع ما تشوفش غير نفسك
من تحت عقب البيبان اتسرسبت شمسك
ولا...

[flash(425,350)]https://www.youtube.com/v/t4iYojuaaEE[/flash

[flash(425,350)]https://www.youtube.com/v/tbNs2iyHENY[/flash

[flash(425,350)]https://www.youtube.com/v/0zONcMmHtAk[/flash
لا يحق لنا مالا يحق لأهلنا
نشرة على قد الحال . لا جريدة ولا جبرنال .. و مستقلة
عن أى حزب وأى ملة وح تعيش بنفسكم مش بس بلفوسكم والغاوى ينقط
كلام من القلب
المصير
فى بلاد الفقر اللى بتشحت
مكتوب طول عمرك يا فقير
تفحت فى الصخر عشان تنحت
بطيخ قشر الملياردير
فضلة خير الملك المبخت
يسمح لك حين تبقى خبير
إنك تتسحلب تترقى
يا أمين مجلس ولا غفير

يا وزير زوق فى غاية الرقة
يا نواية يسند بها...

شمروخ الأراجوز نمرة 10

لايجوز لنا حق لايحق لأهلنا

سايق عليك الوطن
رد السيد الأراجوز على بيان السيد العجوز
معالى سيادة رئيس الوزر
مؤكد سيادتك أتاك الخبر
بان ابن آدم مشى ع القمر
وصنع مراكب خشب م الشجر
----------
طلع فوق جبال غطس فى بحور
وطار فى الفضا كالطيور النسور
وأمر المكن بالإشارة يدور
وبالعلم ع الصحرا نزل مطر
----------
اكيد انت شفت وسمعت وقريت
ولفيت ورحت وصاحبت ورأيت
وإلا دى كارثة إذا كنت جيت
على اكتافنا ربعت صدفه قدر
------------
لذا اسمح لى افضفض لحضرة سيادتك
ولو فيه تعدى...

صبر النخيل
ما عادش ليه شعر …
إياك شخت يا أبو سمرة
وأتساوى فى الحلق طعم الفاترة والجمرة
ما باقى غير ذكريات تحت اللسان خمرة
لو فقت منها تلاقى كل طيب …مات
كان فيه فى قلبك مكان للكل وصعيبه
قدرت بيه ع الزمان…على مره وصعيبة
وكل صاحب وافقت هواك بلاك…عيبه
وأنت اللي طرحت صوابعك للجميع أمهات
هذا شبع حط بك هذا جشع باغ فيك
واللى اعتفن لحم بطنه بطبعه ما بيعفيك
بيدب أنيابه غل وكل ما جاع…فيك
لكنها الخضرا بيك قادرة على المجاعات
فلا تبور جنينتك …
بما جناه الغير
مكتوب لنخلك ينول صبره براح الطير

الشعرا شجر الحياة
الشعرا فى مذهبى اشجار بعدد الشجر
فيهم الكبير والصغير المستحيل لإنحناء
واللى حداه كبرياه .. فيهم
وصاحب داء
والفارع طويل الساق
جنب القصير الحشيشة
ومهدل الغصن فيهم والعديم لأوراق
جنب الكثيف الورق والدايم الخضرة
فيهم عديم الخشب يزحف على طينه
ومن ينام باللمس
ومن يخاف الشمس
ومن يدور فى فلكها بحكم تكوينه
وفيهم النادر اللى بلا مواعيد غصون طارحة
ناعم
تطبطب عليه يعطيك على استحياء
بلسم يداوى برقة لمسته الجارحة

من ديوان أحزان الجميز – كتاب الشعر الثانى / 95
مين اللى عليه الدور

نتلاقى .. أول ما بتهرب أحلامنا من الضلمه نتفرق
أول ما تولف أوهامنا على النور مين اللى عليه الدور .. ؟
الغوله لابسة الفستان وبترقص على حيط الزور
تتمتق بالشعر الحر وتتحزم بالألوان تتغطى بحزام العدل وتتمطى حضن الأوطان
وانت .. على قدك .. سلطان .. خاطرك مكسور
الكل بيتخطى ويدوس على حدك تفتى وتجهز ردك على كل لسان كان
إلا اللى يخليك قدام نفسك إنسان متشمس بأنين الأحزان
متونس برنين النطره فوق صمت السرير
مين اللى عليه الدور الملك الهلك الغضبان
بيملس على خد الأطفال بحنان ويوالس...

شمروخ الأراجوز 6
شكشكة شعرية غير دورية بالفصحى والعامية
طلب التحاق بالخدمة السايرة
سيادة الملازم رئيس المدينة
سيادة العقيد المحافظ
سيادة اللواء المغنى
أنا واكله قلبى مشاعر حزينة
ومش عارف ارتبها فى شكل فنى
لأن الشاويش الملحن أهاننى
جرحنى وقال إن شعرى عتيق المعانى
كلام ريفى هلف
وإيقاعه جلف
عديم سنس فقرى
لا نافع أغانى … ولا يتقري
ما هواش حداثى…ولا بندرى
ما بيليقش ع الموقف العسكرى
فى ضل السلام
=========================

نجوم فى عز الضهر
حسرنا كل القضايا

مش باقى غير إعلان قرار لاتهام
من أجل نحفظ حقنا المدنى

ونفض باقى الحمل م الأرحام

ضحك سيادة المدعى باهتمام

والقاضى لم الدوسية والجلسة ف نفس واحد

وبص يطرح عرضى من طولى

ومن ميزان العدل يدلق قولى
بزغرة قال للعسكرى

سيبهولى
أنا كفيل اعدمه على أخر السهرة

وأجعله عبرة لعديم النظر
هذى تقاليد ممالك وانت عضمك طرى

جحا أولى منك بلحم الطور مادام مدنى
ح ارخى له صل الكلام يرغى ولا يلتش
من قدنه ح أقتل له

لحد ما أذله .. ولا يهتش

شمروخ الأراجوز 4
شكشكة شعرية بالفصحي و العامية
إدمان
ألا إنى تعودت انكسارى
وأدمنت انحرافى عن مسارى
نهارا تهرب العنزات منى
وليلا يختفى عنى حمارى
شموس الغابرين إلى شروق
وشمس حالفة ما يطلع نهارى
بنا الأجداد من عظمى فخارا
وعشت أبيع للخبز افتخارى
إذا ما قلت صلت وجلت نخعا
أنا عربى ومهد العز دراى
ألم تر كيف ذلك الأرض نفطى
وكيف الغرب يرضع من دنيارى
جنود الأرض أدعوها تلبى
وحتى الجن يرغب فى حصارى
فلا تطلع لى فيها يا واد يا فندى
وخدها منى كلمة ولا تمارى
بلاها القدس وبلاها الأراضى
غراب وخطفها يوم عز انتصارى

شكشه شعريه غير دوريه بالفصحى والعاميه
فى حب مصر
زبده الاعتبار بما وراء اسباب الانهيار
عن ابن عبد الباقى رضى الله عنه وارضاه وجنبه عذاب
الغربه فى اخرته ودنياه.. قال
سئل ايه الله الخميسى عن السر وراء انهيار الاتحاد السوفيتى فقال
الشر يصنعه صغار النفوس والغنم تخشاها الذئاب اذا ما اتخمت التيوس
ويستشرى الفساد ما دام الخير لا يؤتى بغير فلوس ويسود فى ساحات النضال
الالتهامى الكذاب و البهيم النصاب والسئ الخبيث
اللذين هم واضرباهم نتاج زمان اصبح السبت فيه كالخميس
ساعتها يفقد الشغيله متعه الانتاج والعمل
وتغلق فى وجه المثقفين ابواب الامل
وتصبح مزاوله...

رسالة إلى شارون
العهدة على سمير عبد الباقى
يا أيها الرجل الكريه ..
إحشد جنودك واتخذ وضع القتال
يتربص الأطفال عند مداخل المدن المباحة
وتسابق الأرحام ريح الموت
كى تلد الضحايا
أخرج لهم بخيول نارك
كى تؤكد أنك الحر-إنتحارك باختيارك
جهز الآلات وامتشق الأباتشى
والنيازك – للمعارك

=====================
كل أجهزة التخابر
كل أنظمة العساكر والبنوك
لكم متاحة منذ كنت حصان صابرا
صاحب الثفرة صياد الغزالة
أطلب الطير المحال – المستحيل
إن نارك قبر عارك...