الشمروخ 39

خطاب مفتوح لأصدقاء الشمروخ
صديقي ياللي فرحت بالشمروخ

وبنيته ويايا حيطه لضهرنا المملوخ
جبيرة للي ورا رغيف الحياة بيدوخ

يحي الأمل في الشفا للي جراحة شروخ
نفك بيه ختقة اليأس اللي خانقانا

ياللي إنت ويانا بتقدف في بحر الحق
طمني أنك لسه باقي عليه

بشرني إنك ما زلت – بجد

محتاج ليه الحب محتاج تواصل حي بين طرفين .. يلزمنا منك إشارة
كلمة وعبارة.. تصبح لي عربون أمارة .. أبعت لك بها الشمروخ
شمروخ الإراجوز
ورسالة لخصومو
إذا غفلة م الدهر أصبحتوا ساسة
غشم تكذبون
وأذا ما توليتو صفدهو الحراسة
بطر تسرقون
وإذا ما استحميتوا ستر النجاسة
يصيبكو الجنون
عروق الجهالة تزيدكم حماسة
قرون تحكمون، ولا تكتفون
إذا ما قرأتم فلا تفهمون
واذا ما فهمتم فلا تعقلون
وذا أجبرتكوا الظروف ع الكياسة
وغصب استحليتوا بعض الحساسة
فلا تخجلون
تسوقوا علي الخلق شغل الخباثة
تزيدوا الغلاسة
بغاية الدماثة
تربوا الدقون
شمروخ الأراجوز
نشرة شعرية مصرية علي قد الحال . ولا جريدة ولا جرنال ولا حتي مجلة . ومستقلة عن أي حزب وأي ملة عايشه بنفسكم مش بس بفلوسكم والغاوي ينقط بطاقيته . وأهلا بالأصدقاء زجالين وفنانين وشعراء
والعهده علي سميرعبد الباقي

آهة .. من بحر الأماني
ياما نفسي المصري يرجع إنسان
له أصحاب وجيران .. ووطن
ومن نفسه يعمل إلف حساب لكلامهم
لما يمارس لوعه
ويحس ف ساعة طمعه
إن دناوة نواياه في عينيه ح تبان
ويبات يسأل نفسه قلقان
قبل ماح يخطي عتبة
أو يضرب بلسان
ياتري اللي ح يخسرة من روحه
أو من بيته أو من نفسه قدام نفسه
ح يعوضه مكسبه – أيا كان-
... من أيها دكان؟
....
نفسي المصري يرجع إنسان
ببراءة علي وشه الكب يبان
ويتعداه العيب قدام أي دناءة
ويموت خجلان في جلده
حزنان علي بلده وولده
لحظة يكتشف انه محكوم
مخنوق مغدور مزنوق
مقهور مجبور – يتصرف – زي الحيوان
تنتخبوا مين؟
.... تاني
الحزب الوطني معاه مفاتيح الدكاكين
وسلاسل ترابيس اقفال العقل المسكين
ومواقف سرفيس الأقاليم
وافران العيش الفينو والأوفر تايم بالمليم
وخرايط الإسكان العشوائي وبيوت الخيش
ومحطات البنزين العاده والسوبر
ومصانع حلل الميلامين
وبياده الأمن المركزي والجيش
وانت بعباوة بتسألني – ح تنتخبوا مين؟
الحزب الوطني سمسار البورصة
اللي مالوهش في مصر عزيز
صاحب الحصة الكبري ف اتفاقيات التنمية
الخاصة والدولية من جات وكويز
وف إيده ماسك المغرفة بيوزع علي كيفه
السمنه والبهريز
بيفرق بطاقات التموين
وعقود التهجين والتمييز
وانت بحسن النية بتسألين ح تنتخبوا مين؟
يا إبني – الحزب الوطني ملك الأنجاز
من إبرة ضرب النار صواميل غطيان
براميل الجاز
الحزب الوطني مفبرك جلب المواسير
الممدودة لغاية تل أبيب بالغاز
ومبرمج سيديهات حل الفوازير والألغااز
وفتاوي الدنيا والدين –
ع الانترنت الدولي ومكاتب عابدين
الحزب الوطني مالك شرعي لشفرات أوهام
العزة القومية للحرامية وللمحرومين
في وسط ويسار ويمين
وجاي انت علي سهوة وتحرجني بسوء نية
وتسألني.. ح تنتخبوا مين؟
سبحان من وهب الحزب الوطني دليل التليفون
وخرايط أخبار التلفيزيون
وكليبات الرقاصات وأغانيالأفيون
وكتب له مانشيتات الأخبار والأهرام
مخ مخ له- حتي حلول الكلمات المتقاطعة
ومناورات النجمة الساطعة
سبحان من جنبه أي مقاوحة ومعارضة ومقاطعة
ثبته في رياسة كل لجان التقييم الفني
شيعي وقبطي وسني-
رستأة في كل مجالس التقسيم الشعبي
والتقييم العلمي والتحكيم الكروي
والتنظيم السري ن شبرا الغاية أخميم
منحه منابع وحي الألهام
من خاتم سلمان حتي المصباح الجني
علشان يتحكم في اللقمة والهدمه والأفلام
ياخدنا مقاولة علي طول الأيام
حسب جداول لانتخابات
ولجان الامتحانات وفواتير الأعلان
وخرايط أمن الدولة
من معبر فلاديلفيا حتي بلطيم
سبحانه من وهبه الأختام الرسمية
تشل إيدينا خوف ومهانة
مكنه من مفاتيح الأحلام الرأسمالية-فلوس وحصانة
سرب له سر الخلطة السرية
جنبه حسب التعاليم الأطلنطية – الدولية
ويفضل معاهدات التسليم القهرية
المخفية والعلنية
شر الغلطة الوطنية
المقصودة أو غير المقصودة
وعلمة ما يلخبطش
يخريط في المفاهيم القومية المعهوده
بكل كرم وسماحة وهب له عليها مكافأة
كل الارقام السرية في بنوك العولمة
لحسابات الملايين اللا محدودة
من دولارات خضرا وحمرا وع الموده
أويني آدمين مرصوده وموعوده-
تشويها نيران حرب الغزو المحدوده
وبعد دا كله ولساك تسألني بحماس
حتنيل إيه بالحرية؟ ... تحتار
ومتختارشي
تختار ولا تفهمشي
المش أكيد مش طرشي ياإبن الناس
والهامبورجر مش طعمية
والسمكة بتفسد من الراس
والدنيا ح تفضل زي ما هية ماشيه
وعلي حزب وداد الحزب الوطني ح تمشي
لحد ما ح تشوف بعينها آخرتها السودة
وساعتها يمكن تفهم
ليه خيبتك كانت مش علي حد
يوم ما عرفنا ولا فهمناش
واحترنا وما اختارناش
لما ماجاوبتش رد سؤالي اللي بجد-
ح تنتخبوا مين؟
متأخر
بعد ربع قرن بتكتشف إنك جميل
وأن أنا الأهطل وعيشي ذليل
غشيم وانت وبس دقرم فهدوي
عشان خاطرنا عملت فينا المستحيل
إيه اللي باقي تنيله والماضي للأتي دليل ؟
كدب متساوي
ياللي لاخمين البلد بالكدب والكورة الخموها انكتب من بدري علي إيدكم خرابها اخربوها اللي جاي راح يبقي ايه غير اللي رايح الروايح فجة من باط الفضايح اكتموها كل من جاهل أبوه، سارقها وبيلعن أبوها
فزورة ثقافة
هل الهلال الحزين خجلا لعي الأوراق من بعد رمح البراح زنقوة في ركن رقاق بمضغ لجام من مذلة حصاوي وحميري بعد الزهيري وبهاء ح يركبه الدقاق
اللي انتهك عرضه غل الأمن ع العشاق
يابتاع الضربة الجوية
ليه ناعم وياالحرامية
بعتم مصر نهبتم خيرها
قابض منهم كام لي المية؟
وأخمش بالإظافر وجه ما فها
اقول لهم
اذا عضب الفرات
فأي منقعة يداريها؟
يجي الأصدقاء
كما تجي حمامة في الكف
اعرفهم
لكنكم
ياأحمد عبد المعطي حجازي
يامحمد عفيفي مطر
ياحمد عباس صالح
ويا عبد المنعم الغزالي
ياخليل خوري
ياجبرا براهيم جبرا
ياامير اسكندر
يااحمد عز الدين
ويا ، ويا ويا
اقول لكم
سأورثكم الي الأحفاد عاركمو
سأترك مخلبا مستنقرا لكمو
ساترك ميسما للعار
وأعلن .. فلتقم وضح النهار،
قيامة الأشراز
سعدي يوسف

السحرة
شعر: فؤاد قاعود
غمض عيني لاجل حاجة تختفي وبفض الظلام
لكن صورهم المشوهة زادت وضوح أرهقت جسمي. شلت جزء م الجبل
وعدت لاجل انام
لكنهم حاوطوني بالمباخر والمسوح
وحيسحروني كلب ... حيسحرني كلب
الرعب في المساوفي النهار
الرعب في البراح وبين قوايم الجدار
الرعب في قرارا البحر والسما
وفي الكلام الواضح الغرض
وفي غموض التمتمتة
هل تنفع التعويذة ياأمي اذا حم القضا
قبلك جميع الامهات
لفوا ولادهم بالاحاجي والايات
لكن جنود الشر والضبابا
في شكل طيات السحاب
وكل يوم وانا في طريقي للجبل
يقابلني من زفاق اللعب في الصباح وفي المسا
اتنيين تلاتة م الصحاب – متحولين كلاب
ازاي حالك ياعمر؟ - هو .. هو.. هو
ازاي حالك ياسعيد؟- هو.. هو.. هو
مفيش طريقة ترجعوا بشر؟- هو .. هو.. هو
عاجبكم الشكل الجديد؟ هو .. هو ..هو
عنيا صارت مثل جذوة جمر
في مثل هذا الامر
ما ترمز التعويذه غير للعجز
لكن حاشيل خنجر ابويا العظيم
ويا أٌقتل السحر الئيم
ياأغمد النصل الكريم في القلب
ياحارس الظلم إنتفض
"قصيده قديمة جدا من الذاكرة"
قال لي الحارس – قف من أنت – في صوت مدو
والسلاح الفاسد المنهوك قد صوب نحوي
وانتصاف الليل تنعاه النواقيس فتعودي
وانا في قبضة الظلماء قهرا دست خطوي
قلت للحارس قل من أنت ياحارس قبلي
أنت يا مسكين مغلوب علي أمرك مثلي
سلحك قوادك حكامي واعدائي لقتلي
وغدا ينفجر المرجل فالمرجل يغلي
للذي تحرسه لراحة والجو العطر
ولك الفاقة والأملاق والعيش القذر
أنت إن تنصره ياحارس كنت المنكسر
وإذا ثرت مع الشعب عليه تنتصر
هذه الطلقة سددها إلي من أرسلوك
لا إلا الساري قد ترمي بيمناك أخوك
إنهم للقتل والقهر علينا سلطوك
لحساب الظلم والأذلال من غير مقابل
أنت مجلود وجلادك العاتي من القتل المباح
أتري بيقي طويلا جالسا فوق الرماح
لن يطلو الليل بل لابد أن يأتي الصباح
غضبة من غزمك الجبار تمحوكل باطل
ليصير العدل والحق إلي الشعب المناضل
من كتر غلبي بدورع الشجا ملجاه
ولا التجيش البياتة حتي في ملجاه
دي دنيه الشوم لا خلت عزيزة ولا جاه
فيها العزيز يتظلم والندل يتهني
من غير ما يشجي يلاجي كل يوم مال جاه
إبداعات شعبية مصرية
سبع الفلا دخل الغاب وحمل الهم
والفاربني له جنينه وردها ينشم
والعم عملوه بداية والبداية عم
الله يلعنك يا زمان أصبحت بالهم
بأخر ولاد السبوع وتقدم ولاد الكلاب تحكم
دا الكلب لما حكم قال له الأسد ياعم
حكمت ع السيع راح للكلب حد الكوم
لما صحي الكلب جال السبع صح النوم
أنا أسألك يارب يامجري بحور العوم
ترجع السبع يخطر زي عاداته
وترجع الكلب ينتبش في تراب الكوم
المضيفة
مصطبة مصرية بحب مصر مكيفة
شعر الينبوع سعيدي يوسف
الاشرار
ياكل من طردتموني من الارض التي ولدت فيها وبعتموني بالفضة البتردودلار
عند أول نعبة للغراب
واحتللتم حديقة بيتي الصيفية
وقلتم للقاتل: ايها العاشق
كيف تنسي يااحمد عبد المعطي حجازي
جمال عبد الناصر؟
كيف تنسي يامحمد عفيفي مطر
طين الغيط
الذي لم يورثك السنزانو
ولا قادسية "نفسي"؟

كيف تنسي يااحمد عباس صالح
انك لست بابليا؟
كيف تنسي يابعد المنعم الغزالي
انك عامل؟
كيف تنسي ياامير اسكندر
انك لست كاتب سيرة؟
كي تنسي يااحمد عز الدين
انك كنت جنديا؟
كيف لا تنسي ياجبرا ابراهيم جبرا
ضابط العلاقات العامة
يجئ الأصدقاء
منل تجئ حمامة في الكف
أعرفهم
ولكن الثعابين ابخرتي وانملتي
اقول لهم
سترتفع القمامة
فارفعوا راياتكم
من وحل هذي اليلة،
ارتجلوا
ولا تترجلوا
عن بغلة المتسول القواد
حتي البغل يعرف
كيف يوقف من سيوفرة
وانتم؟
لطخو راياتكم
من وحل هذا اليل
كونوا في القرار مشاهدين
نحن شهود
شرطة
نكن الشروط
ومخبرين
نكن رواة
أو رماة
يجئ الأصدقاء
كما تجئ حمامة من الكف
أعرفهم
وأمسح عن مفارقهم
تزيز الملح والدم
أمسح عن عيونهم القذي القروي
امسح عن اصابعهم قذراتها
ابل الورد ماء
ثم أعصر في الشفاه
نبيذا آلهة
لماذا ايها الفتيان
والرفقاء؟
ماذا تحلبون من الفرات
وكيف؟
ياأحمد عبد المعطي حجازي
ويا محمد عفيفي مولر
يااحمد عباس صالح
ياعبد المنعم الغزالي
ياخليل خوري
ياجبرا براهيم جبرا
ياعمر اسكندر
يااحمد عز الدين
يا، ويا
آه للفظاعة حين تدخل
بين ابخرتي وانملتي..ز
أسميها
مسخرة لها طعم المفخرة
بيفرشوك سجادة في احتفالاتهم
ويضربوك بالجزمة في اجتماعاتهم
بجرودك من هيبتك البشرية
حين يحسبوك بالبنبط في انتخابتهم
ركبوك مطية وهمة مش فرسان بلقمتك يرعوك الخرفان
فرعنتهم فرخصت بحياتهم
جري إيه يامصري ياابن أعظم أم مصر اللي عاشت العمر ملو الفم
خليت حالتها بين الأمم بتغم
ورضاك ملهلب فجر شهواتهم
بالذمة .. إنت اللي وراك النيل؟
وغزلت من ريقة العسل مواويل؟
بيرقصوك كابغل بالشخاليل
ويمسحوا بدقنك بلاط عتابتهم
وأنا اللي عشت اتباهي أني ابنك
قاتلي اكتر من سمومهم جنبك
خيرك لهم بالكوم- وتمضغ تبنك
مهزوم كسير بتغني لانتصاراتهم
مفخرة بس مسخوة
باتدلي من بيتي يوماتي
متبل في مطبخ ذاتي
اترحم علي روح أمواتي
الميت أنجس م الحي
يبلغني الشارع أشحتف
تتكعبل في ضلوعي الارصف
يتبعزق عقلي المتستف
ما اعرفشي الرايح م الجاي
في بحورك أغرق ع البهلي
خارسني اللي مسكت أهلي
متعلق في جدايل جهلي
تطويني أمواج مش مي
تعصرني الزحمة ولا القوطة
مدبوح بتزفني زغرزطة فيه حاجة ماهياش مزبوطة
الضلمة بتضرخ في الضي
وأشوفك مدهونة بلاستيك
ودماغة مشموطة ف استك
وانا يويو بيحجل متخستك
عس شعرة وفاضل لي شوي
بي علي جنبي وأستاهل
جاهل مبسوط أ، انا جاهل
ما هو رد الروح مش بالساهل
وانا فاكر أني ماليش زي
رزالة من غير سبب
عايزني اكتب علي كيفكم ولا بتقروش
وازيط خطاي علي تسكيحكم بعصاية بوش
ياللي رميتوا زرا اظهوركم خاطر الجماهير
خنتوا الفقير يوم بعتم حلمكم بقروش
عاجزة عقولكم وإذا فهمتم ما تستجروش
كلام حواديت
عايش تعافر ف المتاعب ... ليه ؟
ولا كنت رب الكون ولا انت ناشية
الكل ملهي ف جروحة يداري زلاته
قام صلاته لمين خلقة غلط وناسية
وانت قاطع عشم في رحمته – مراعية
مجرد كدب متساوي
طول عمري ويا ك ضعيف وباحكي مشاكلي
فجأة اكتشف إن عمرك مرة ما شكيت لي إزاي بقي بينا معز وصداقة
قاتلين صمتك وباقلق لما تضحك لي!د
الحب أخد وعطا مش إنسجام شكلي
الصمت أولي بالوطن
عود دونك علي قد ما تقدر
تهرب من خرفشة الكون
عود عينك بين عركة وعركة
تغرق في دمونع فرح اللون
واتأمل من غير ما تستعجل
ضل خيال الصفصاف في النيل
إهرب حين تتعب الجناين الصمت
الهربان من صخب السوق المجنون
إسمع لحكايات السفر اللي بتحكيها
الريح وتغنيها لأ غصون
إفتح قلبك للدهشة المتلونه
في جناحات الفرشات وصهيل الخيل
أشهق بالفرحة لزقزقة الطفل
اللي يحاول ينطق كلماته الأولي
علم نفسك من نفسك تفرد حرة
جناحاتها في مشاور الحق
إطلق روحك من أسر سجون ضعفك
حررها تطير في عز الليل للفجر
ح تلاقي الوطن اللي بتتمناه حي
في عيون الأطفال يضحك اليك
وف نغم المواويل عي مد ايديك
يواسيك وبطبطب في حب عليك
ويناديك ويعطر قلبك كل صباح
بروايح تمرا الحنة وعطر الليمون ياجنون

فشل الغل صحة
ردح في فضح سفيل المدح
بين اللي ما يتسموا من الشعرا
ياما خلق زبالة
من بعض نفايات سوء الحالة
لما يعوزوا حاجة من العربجي
يتمحلسوا جدا لحمارته بكل ندالة
وإذا يحتاجوا حمارته
يقولوا ف أنساب العريجي مواويل
يتمسحوا في عورته
حتي لو كانت بتنز سفالة
يركعوا علي أعتاب دارة ودوارتة
حتي لو كان سنكوح بريالة
فيه شعر زبالة
بتخف تعوم زي دمامل فوق الجلد الشعر
فقافيق علي وش الوطن المهزوم
كلام بسيط في السياسية
بتخبي عيب خلقتك وعورتك مكشوفة
وأمك من اللي عملته فيها مكسوفة
مستني ايه التاريخ مش فاض يبكي عليك
علي زبالته ح يرميك فرخة منتوفة
نهاية اللي قطع إيد شعبة معروفة
كلام حزين في الفن
لوحدها الصدفة كشفت سركوا المخفي
حين غفلة صيرتم نجومها والقمر مطفي
في الضلمة حتي فراش العتة بينور
وفانوسكو عز النهار باهت ويستعفي
مين زيكم من كذوب النور بيستكفي
عبل البطيخ
الناس عايزينك أراجوز
علي كيفهم
ع الهادي تزغزغ مشاعرهم
وتراضي تدغدغ عواطفهم
الناس ح تحبك لو ترقص
علي دق كفوفهم
وتغني تدندن علي دوزان أوتارهم
لما يعوزوا.... مش لما انت تعوز
الناس عايزينك علي مد الإيد
ناعم طيب لين متأين وسعيد
علي قد ما تقدر تراضيهم
وتطمن مخاوفهم
تداعبهم وتلاعبهم
واما تلعب في ملاعبهم
إوعي تفوز – تخسرهم
الناس عايزينك يويو
لكن مش مهزوز
تتنطط علي شد حبالهم
تتمرمط علي قد خيالهم
حكمة شبه شعبية
باغفر جميع العيوب إلا ذنوب الخيانة
ده ندل فاجر دهس أصحابة في الزنزانة
ودا وغد فاجر مشاعرة الكدب بتخليه
حين تمتطيه شهوته يسكر بعطر الإهانة
طبيب مداوي وغاوي يذل عيانة
تترفلط في هبلهم
ميت في دباديبهم
تاخدهم كيف همة بعبلهم
فتكيفهم
لا تنكد أحوالهم ولا تنقد اعمالهم
عايزينك دادة لأطفالهم
عادة تحفط هايف موالهم
بصراحة الناس عايزينك
طبالهم زمارهم
أرنب ناعم قط أليف مش سيخ
تجلدهم – تفضح اسرارهم
بقصايد شعر كئيب ومخيف
تكشف عارهم وتكدرهم –
وتدق علي دماغ أفكارهم- بالشماريخ

الشمروخ 39

الشمروخ 39

الشمروخ 39 :: تعاليق