الشمروخ 24

شمروخ الأرجوز24
شكشكة شعرية غير دورية بالفصحة العامية
لا يحق لنا ملا يحق لأهلنا
صفر/برمودة/ابريل
مافيا الإنفالات
شلة عيال أشقيا
قادرين، رابية مرة
ورثوها بالتزكية
والغصب والتذكره
بيفتوا كالأوليا
بكالوريا في المنظرة
ناعمين لطاف أبريا
حاسبينها بالمسطرة
يبيعوها للأغنيا
يتقاسموا في السمسرة
خير الخطي تنمية
من باع ومين اشتري
بالواسطة والتوصية
ينهد حيل القري
وتنخرب تضحيه
تتمني كوز الدرة
وتصبح التصفية
علي طاقة المقدرة
ماعدش جاي أنبيا
لا دياب ولا عنتره
وعوامل التعرية
مورهونه بالسيطرة
الثورة لها تقنية
مش كلها زمجرة
بعض السلام في العجل
بعض العمل فشخرة
فاعقل ياواد واتعدل
كفاياك هبل مسخرة
عقل الفلاسفة انهطل
في فهم ماقد جري
عدمنا دم الخجل
الحلم صار دندرة
خربت غيطانك زعل
واللي انكتب ما اتقرا
بقي علمه صعبة الأمل
والتقل لساه ورا

كلام من القلب
الغزبي صحفي مخضرم قديم
عموده سبيل للجمال والصراحة
بتقراه تحسه حفيد النديم

أو ابن مماتي خفة وملاحة

عصر قلبه لؤم السياسة الجحيم
وسوقها اتزحم بالهبل والقباحة
ولعك خطوطها الكذوب الدميم
اللي خلا اختلاف الرؤي م البجاحة

حلف ماح ياكل رغيف اللئيم
وكم غيره فضل يسوق التناحة
لكن هو مصري وأصله كريم
في طبعة يداوي الغباوة بسماحة

فقرر يكون قلمه صاحي.. سليم
وعصمه بحبل النجاه في السياحة
ح تغلط تقول لي: دا مكار عظيم
أقول لك في بعض التواضع فصاحة

هراس مش جاى .. لكن
الشرخ الأوسط .. جاي
وماتسالنيش إزاي..
لأنك لو مش عارف تبقي حمار

ساعتها مش راح تفرق وياك استحمار من إستعمار

وإذا إنك عارف وبتسأل تبقي بتستهبل

إما لأنك متواطئ أو متوافق أو خاطئ.. نساي
(الشرخ الأوسط بالتأكيد – جاي

انزل أي وكالة في أي مدينة م المدن إللي علي الخارطة

ما زالت مرسومة عوالة

.. علي كيف ما بدك تلاقي ف سوق الباله

رؤسا وزعما وحكام ياما زباله وملوك خرج النجف العربي كمالة

وشعوب مالهاش بطاقات.. وشعوب في الدوخة ملبوخة وبطالة

.. وشعوب منفوخة وواخدها الحالة من كتر السم القومي

ماعكر في عقولها المطبوخة قواله

.. وشعوب م الأصل الأصل عليله وعله وشعوب عاله

.. مالهاش لا في الرايح ولا في الجاي.. وأنت بتسالني ازاي؟

ربكم الأعلي

سبب للمكتوب أسباب يقفل أو بفتح أبواب

من أبواب لكن الشرخ -قصدي الشرق الأوسط

برضاك أو عصبن عنك جاي.. جاي..

عارف أو مش عارف شايف أو مش عارف

شايف أو أعمي ومش شايف – جاي بالتجهيل

والتمويل والتدويل لاح تنفع وياه تراتيل ولا ح تحوق فيه أناشيد أو مواويل

لا ذكري شهيد ولا قبر قتيل ولا ألف مظاهرة سليمة أو قمة تاريخية أو ندوة علمية ديمقراطية – علي شرعية خلفية قلالات الحيل

والطوبة المعطوبة اللي تحت دماغ الراحل

غير ماسوف علي دمه

- مش ح يبشبشها قبضان دجلة ولا بردي النيل علشان غلة المكشوف سالب م الكل

العصب / اللي بيحيي عرق العضب

– اللي يخلي الرجالة رجالة..

وبدون أي كسوف سايب في كل خرابة دليل

علي كل منصات الحكم عويل

في كل مجالس حكماء الأمة عميل ياعليل

.. ياقلة قليل

.. بيخرم في قربها المقطوعة بإبرة شوية بشوااي

.. بشوااي.. ويقطع بالسكاكين التالمة

.. حشاي لجل يأكدان الشرخ الأوسط جاي

انزلوا عن متكسح خيلكم ياجهابذه واقلعوا هلاهيلكم

العورة انكشفت ياأساتده

ياللي اقنعتوا الأمي الغلبان – إن الباء قبل الهمزة

وإن الحق ضعيف وجبان

وتلامذه حمزة مات في قلوبهم حلم زمان علشان انتو الأداري

خبرة ف أساليب أنظمة الحكم الشمولية وفي الاعيب أجهزة الأمن الدولية والقومية

فاهمين الفولة اللي بتتدمس بمزاجها في قدرة أمن الدولة

علشان المتغطي يفضل متغطي مع إنه مفضوح عريان

غتاته أو خوف

سيان لجل ما يبقي مألوف جدا

ألو مايبان في زمان عدم الشوف واللعب علي المكشوف

والشنب المنتوف

ولذلك مش راح يقبلوا من أيها واحد منكم يتبجح يتحجج بظروف

لا بالمعزة اللي ولدها خروف

ولا بجلالة شرف التيجان الرمل اللي اخترعوها العريان

.. ولا بالشعب المسكين الغلبان المأزوم في طوابير العيش والدخان

محكوم بقانون البيئة وحماية ابو القردان

ويا دوب بيقيد بوابير الجاز

يولع ع القولحة والمااي

لجل ما يضرب له حجرين في قهوة يسار أو غرزة يمين

ينام متكيف بعد ما يحبس بدورين الشاي

عليشان يصحي مصحصح

واعي يستقبل ببساطة فكرة أن الشرق الأوسط

جاي.... وساعتها ح تخرص اكرم لك

أممتها أمنها .. لديك أهلك

بطل تخيلنا وتتحايل أو تتمنظر بعد ما عاشت العمر علينا تتخايل

وتعممها لا يمها بدال ما ح يقرر أصحاب الشأن

أنك تتفنطر ويجي لك أبو زيت والآبرايمر

غير

وإلزم قدك وحدودك

واستعبر أنزل علي ركبك واتطهر من ذنب جدودك

علشان في الحرم الأبيض يسمح لك تحرم وتطوف أفرنجي

من غير أي مجال لجهالة أو العمالة أو الكسوف

ويا الباجة جي والجلبي وحامد قراظاي

وماهيش راح تفرق وياك

أن راح الشرق الأوسط في ستين خرارة

أو هو من أولها كان جاي

أو هو من أول أولها كان جاي

مادمت متبت فوق سرج البغلة

فوق نفس المركب رف نفس الموكب

مبهر متكن وتاريخي

حواليك الكتاب الكذبة هماهم

والكتبة انصاف الموهوبني المكلوبين إياهم

والحكام الأختام الأزلام رؤساء تبرير القحط

لصوص النفط وأمناء الزبط الربط عفاريت الأسفلت

وعفاريت أبو زعبل شياطين الكوره وشياطين السجن الحربي

فرق الجلد المرخي والطبل والمتطبل دكاتره دس المدسوس

وبحث المبحوث لجان تجريف الأرض وتجريف الأفلام تحكيم المهرجانات

صرف البونات أذونات استيراد القوطة والجرجير والقمح

أطباء الملح المرشوش ع الجرح رؤساء تحرير الشنطة

تجار الأحلام انصار التحديث والتوريث والتنفيث

أمناء الأحزاب القلة وأصحاب العلة الزعماء المانفلة

وصبايا الإعلام.. كافة حيثايات استقبال الشرخ الأوسط

واللي مؤكد جاري زي ما جاية الأيام

ومسير الحي ح نتلاقي

نعص ف بعضينا ونلسن علي بعضينا في ساحات الإعدام

المضيفة
مصطبة مصرية بحب مصر مكيفة
ملحق العدد 24
كاوبوي دينامو
فؤاد حداد

كاو بوي دينامو
لها في اللعب فنون وبراعة
سايق عنمه
في مشاريع وبنوك وزراعة
علق يافطة بعرض الريف
تشتل
خلي أميركا تستعمركا
تعتل
ست شريفه غرضها شريف
تفتل
يوم ما بترمي عقب سيجارة
تقتل
تفتح بيه توريد وتجارة
ست غنية عن التعريف
شق الحوصله
كاو بوي دينامو
إكسر بصلة
إطلع علي مركبها الأفطي
نخ وطاطي تبقي ظريف
قول لها خدي خلجاتي ونفطي
كاو بو دينامو
دي المحبوبه
خليك جني ولد جنيه
جاتك غيبوبة
شيل من راسك الوطنية
مدرسة حرة بالمصاريف
نظف مخك
كاو بوي دينامو
إلا تطخك
حط دماغك تحت جناحها
خليه خالي من التخاريف
أرضع في البزارة منحها
كاوبوي دينامو
بكرة تبيت

راقد ميت

كيف الغاوي مع احريف

كاوبوي دينامو

أمتي الزمان يا امه يروق وتعودي ياعجوزة صبية راضيه علينا ومرضية ومرحرحة اللحم الفتان من بعد كنس الأرضية علي الحصير أبو ورده جنان ما بين مآذن أثرية الخد ورد موهوج نار والشعر لي مليان أسرار مستبسباه علي ضي نهار ليل اترخي علي صبحيه امتي الزمان ياامه يروق وتعودي ياعجوزه صبية إزاي قبلت جواز بال من عبد يوعد ويماطل
أمتي الزمان؟!...
ويفرحة الدمع الهاطل من العيون العسلية عشر سنين بين فيهم سور وعشرة كان عبد المأمور والتالته يا ام حزام مضفور جاية عساكر الدورية تقف علي بابك زنهار في بطنها لحم جيرامك والف ليله ما بينها نهار ح تغرقك في أحزانك قال موش كفاية التبعية!! وانا با اسألك واحنا في أزمة عن عمر عدي مالوش لزمه لا جال في خاطر ولا نيه
هشام السلاموني
لامتي ساكتين عباقيرك تاركين لأعداءنا مصيرك واللي بيكتم مناخيرك بيعد خطه جبرية تسيب ملفات العوله علي الجنايات مقفولة واللي فقس منا الفوله يخشي الخلافة الوراثية
جاية الخلافة الوراثية عشان تسلك مفاتيحك علنا بتصميم و إراده آدي نوايا مفاضيحك وساكته با أمه ياولاده والبطن خضرا كالعاده قومي أو ليد الواقفين للحق اللي يزقوا الغربان زق وان قالوا: رافضين المبدأ قولي لعي مين ياساده !! البير قصادي وآدي عطاه طول عمر أيوه في بقك لا طول عمر لأه في بقك آه

وحش الشاشة
عصام الغزالي
ياأهل كفر النائمين علي الحرير أو الجريد بشري لكم: سنما العروبة تبدأ العرض الجديد أبطاله سمر كان قشورهم صدأ الحديد والوحش اقدمهم –(شجيع) .. (ثلث قرن أو يزيد) في الريح خيمته – بميم لأبباء – لا تميد يرغي ويزيد كي يخف كل شيطان مريد ناداه قرصان اتي يمسدس، وله وعيد زم الحواجب قائلا: اتفت في النفط الثريد؟! وتدس يفا في الرمال فيطعموا فينا العبيد؟! واار بسمته إليه وقال في ود شديد: آقبل وفتش يا (خواجا) ما تشاء كما تريد ومن المداس إلي اللباس فلن تري شيئا يفيد وجري إيه معانقا والصوت موسيقي نشيد وبقبلة تغري المراهق بنتهي الفلم السعيد وسيستمر العرض في السنما إلي وقت بعيد

انا مصري عجيب
سمير الأمير
أنا مصري عجيب شيلت المغزة ولاد الديب عجبتني القافية هرشت قفايا فتحت عنيه برغم عمايا وعمايا ف رزق اليوم مطلوب ما انا بالكل واشرب بالمقلوب من يوم ما تولي الأمر الموت وحكمني الحاكم بالنبوت ولقيت الفقر بيجري وريا رتبت الحال عي عكس هوايا أنا مصري وعجيب استعجب مني وقال مذلول وبيرقص للزلزال
باركيلي أنا تعينت في محدودي الدخل
ىنسونا لما نانسكم شمروخي أخضر بنفسكم ** مش بس مروي بفلوسكم ** النيل بيسقيه لما يعوز! الأراجوز
حكوميكا
مربعات محمود بطرش
زماننا ما شي متشقلب الرقص صار له نقابة اللي وراه ضهر يغلب واللي مالوش تاكله ديابة ا
اللي اختشي طب مات ملعون ابوها الظروف ياحكومة مين مقامات رقاصة ولا فيلسوف؟
أمريكا سايق الدلال فينا بتأمر وتنهي ياحكومه غاوية الوصال باضحك وأنا قلبي يبكي الأصل مش بالمال ياللي نهبتو القرش... تبقا العيال رجال مش بالقصور والفرش يابلادي خيرك كتير منهوبة م الحيتان! نفسه حمامك يطير.. والعدل يلقي مكان
عاليه أهات الشوارع حكومتنا إدت طناش ... الشعب والع وضايع شئ ما بيهمهاش !!
زمن العبيد انتهي ياحكومة صحي النوم... الحكمة دي شفتها لا ظلم عمره يدوم
مسكين ومحمل حمله عيال فانقع الصوت / واتهد الحيل واته الإريل مال ع السور المعزه بتنطح فرن الطور والطور بيميل ويشد الحبل ويرخي الديل والديل دلدول – ما هو مش معقول معلول متشال شايل محمول
افهمني ياخال
راديو التوظيف قطع الإرسال والشركة سرحت العمال – شطبت فلوس وبقيت بلبوص – مستعجب ليه! قرص الطعمية بربع جنية!

شمروخ الارجوز
عادل عبد الباقي
شمروخ أراجوز ف ايدين مصري عارف الحالة.. قديم عصر شمروخ أراجوز يضرب ع البوز ما يصقفشي علي طول عمال لو الأحوال ما تعجبشي وعلي الأرغول ح يتنه يقول اللي اتمناه واللي اختاره لجل يفطمنا ما نتوهشي شمروخ أوراجوز قنوع وعجوز عمره ما حيعوز حقنة جلوكوز من أي طيب ما بيفهمشي شمروخ أراجوز يضرب ع البوز ساعة ما يعوز يقول علي طول اللي بدالة وساعة ما يقول يرتاح باله الدنيا بحاله نهناله
شمروخ أراجوز واصل لبعيد حافظ المواعيد في قلوبنا حاجات حافظينها له
شمروخ اراجوز راصد الاحوال وسؤاله سؤال صعب علي اللي ضيع في البهلي أفكاره...
شمروخ اراجوز حالة مصرية محتاجة القوة لحنية ساعة مايقول كلنا علي طول... أحباب أصحاب وياه في ساحات الحرية!
من دفتر أحوال الساسه
رباعيات. وربع
يادي الصباح اللي بيبشرني بهزيمته فكرني باللي اما نمت قتلني بجريمته أفلام جرايد قصص عقدتها تاليفه حتي اللي أنا كرهته من تخاريف.. صدقته
مدمن أنا – والأدمي اتسم بخميرته
عملت مني مواطن فسل بلا لازمة لا حل لا ربط ليه ف يسراو أزمة حسب ما تسمح لي اهتف لك بطول العمر وأشرب المر- وأرقص يوم تقرزقزنا
كاتم لحين ما تقع صورتك.. وبالجزمة
ياتري الدرس فهمته والا حتفضل زي ماكنته حمار لا فاهم عربي ولا عارف ليه ماشيه معاك بالمنذار لا قرش ح ينفعولا حزب ح يشفع ولا ألا ضيش عرشك ريش والنفخة الجاية ح تخلع لست الدار
واللي نتفوك همه اللي ح يشووك ع النار
ابتخبي عيب خلقك وعورتك مكشوفة وامك من اللي عملته فيها مكسوفة مستني ايه التاريخ مش فاضي يبكي عليك علي زبالته ح يرميك فرخة منتوفة
نهاية اللي قطع إيد شعبه معروفة
أهم تاني رجعوا بخيانة وعساكر وانت في غيبوبة ما انتش مذاكر ح تحزم ح تشمت ح تفرح في أيه؟ مصيرك يابيه رهن فتح الدفاتر ح تنكر ما تنكر عذاب جوعنا كافر

علي المعاش غربة
كان ايه رماني يا(سمير) ع الشعر والحزن مالوش سعر ليام دي ولا الفرح- له سبب .. الحب زي الحزن شعره معاوية.. بتشدها لصدفة أو ترخيها بالصدفة.. من أي زاوية المحن... من أي صدفة الشجن الكبر دايس في قلوب الوطن.... كاتم هديل الفنون قاتل نبيل الإدب.. فرحان بجهلة محصن باحتمال الغضب يفتي بمليون لسان كأنه ملك الزمان والأرض... والأوراق.. بيبدل الدم في اقلامنا بعادي الحبر هذا زمان الوفاق... مسخ آهات العجب. سممنا بالصبر وبلادنا بعويل الرضا وبلاده الأشياء..إية كان رماك؟ الطبع والا هواك؟ ماعدت قادر تندهش لسواك... مسجون في بير نفسك العاجزة عن الأغواء عاجز تعيد النظر وتعاود التفكير والعقل والقلب ملوا وكلوم التبرير في اللي ابتلاك بالإغاني وعودك تفرح بأرض من بؤسها اتعايشت مع الأشواك.. ولطول عذاب ياسها اتصالحت مع اللي بلاك فعودك في وضوح الرؤية تتعامي.. تتحامي م الي تتستر علي الضلمة وتنكر الشمس.. خوم م النور.. فتتغتر بضعف عماك!
اراجوزات مصرية
إحنا الرجال المطايا علي بوابات السرايا متبردعين بالعطايا متلجمين.. للي عادي مركوب بكيفة الإرادي وفينا الحصاوي اللي عادي مركوب بكيفه الأرادي وفينا فاجر معادي حسب اوامر يرطب
ومنا ضاحك.. وباكي في الحوسة يطلب رضاكي في الكوسة كل اشتراكي ورسملوه لما عطب
نقاد مسارح وسيما شعراء وكتاب وقيمة أول ما تظهر غنيمة يصارع السبع أرانب
وعشان ما يبرد طبيخك يبيضوا لك. تارخك قرعك يعسل فسيخك نصبح علي الحجر واقرب
نرطن بكل الغناوي حكاكة والا رغاوي النقص فن اللي رغاوي النقص فن اللي غاوي الرقص صنعه يا ملعب تستر معايب اللي فوقك تخضع مزاجه لزوقك تحمص اكيد راح يدوقك لو المسائل تعقرب
ويا حبذا لو بتعرف في البغبغان المثقف في خضوره تصغير يامقطف تكبر في غيبته تنخرب
فاقلع دماغك وشمر مادام بتعرف تزمر تلقي فانوسك ينور وتبقي كرسي في مكتب
تزحف لفوق سنة سنة وتعض ع العضمه سنه وف صدفه تقلب يا إنه تلاقيك يامركوب بتركب
تلوف عليك الجحوش فارمي جنيهاتك قروش يهدوا ولا يقمصوش حتي لو البند شطب
هذا قاونو الركايب علي قد ما تشيل ياخايب نايبك ح يبقي نوايب طول ما أنت كاتم مقطب إلعب بديلك وبصبص واياك ضميرك يقمص الجحش لو مره فلفص من اللجام فين ح يهرب
واوعي تفكر تهبل دي حسبه حنجل عنكب يوطي فيركب
لذاك ما احناش ضحايا علتنا أصلا هواية كسرنا بدري المراية ودرسنا رعب المجرب
فياللي ما بقيتش هوه براك خصيم اللي جوه إن مات زمان المروة القرعة ح تحب لأجرب
إلغاء الحبس في قضايا النشر
إلغاء الحبس في قضايا النشر
يامحلا النشر والجو صحو يامحلا النشر.. والجوو
نصائح ديمقرارطية
عايز تفوز بالتزكية؟ ورضا اقيادة الشرعية.. رغم الإدارة الشعبية ؟ أرطن كتير باسم الفقراء عن السلام والتنمية!
بس اوعي تنسي لاستقرار لأن مهما فهمت حما أنك ركوبه لاستمرار خطي المسيرة الثورية
سوا كان رطان إشتركيكو أو لا نفتاح الفريكيكو لعصر بوند الأمريكو الل بدون مله هوية
قلمك علي كيف ما بتريه وابنك علي مابتربيه الوالي يرضي حين ترضيه دي حكمة خبره تاريخية
اشكر لمن نسي الأطفال قصص الشجاعة والأبطال لحد (بلبل عبد العال)
مانسي أصول الوطنية
ويذل مجهوداً لا تنكر يعلم ن الفول هامبورجر وجاب لنا نوبل أوسكار علي أرانب ملوخية!
وبوس إيدين ست الستات زهرة جميع المهرجانات من جهزتنا اولاد وبنات للمرحلة الأمريكانية!!
ساعتها تبقي كادر جميل مسئول بدم أزرق ونبيل تنول شرف أن تبقي وكيل وتوريد وتصدير طعمية..
وتخش جدول الانتخابات ولو عديم المستندات.. ولك تاريخ ويا الخواجات أو لك ملفات سرية..
يسلموك عهدة وزارة هلمة ونفوذ وإدارة ما أحنا ف بلد هبله حماره وبنبني دييموقراطية
لذا لابد نكون سلسين لا نميل يسار ولا نرمي يمين نبدأ تمام نختم بآمين حتي أ، رهنا الطبلية...
ونتحسب ضمن الازلام اللي بقم صدفة حكام. عيشتك تبقي ولا الأفلام (شعبان) ورث تاج (عدوية) !
ساعتها يبقي هنيالك نلت اللي عمره بالي بالك بس انس ماراح يجري لك لو (مصر) رجعت وطنية ...1
آن الوان تخجلوا.. ياللي ف حصار الجنون والإهانة مصميين تعقلوا !
ذذ
ضعت فق حواري المدن تهت ف غيطان الريف بكيت فراق السفن فرحني حس الضيف أركب خيول السحب عشت الشتا في الصيف أسرني سحر الحجب طرت بخيال تخاريف شايل كتاف التعب مشدود لحد السيف كتب ياما انكتب زهقت م التآليف عميرني سنين أيش عجب عشت الأمل فتافيت ما طاش نهري مصب مغلول بموجة الضعيف أخطي ف حدود الأدب عايم بلا مقاديف راسم سباع الشنب طبل الرعود الغنيف موعود لو الدين وجب مهدود بجرحي المخيف لا الابن عوضني أب ولا صانني صوتي الشريف العشق صمته ف رجب والحاف عجنته رغيف وبتسألوني السبب قضيتها ليه (مصاريف)؟!
حكمة شبه شعبية
أمي قالت لي: الغني هو اللي يستغني وابويا علمني اعيش الشكل في المعني أبويا مات وأمي ماتت والصديق باعني واللي فجعني أن فرقنا اللي جمعنا! إخرس.. ولا كلمة أنا زهقت منك !!

الشمروخ 24

الشمروخ 24

الشمروخ 24 :: تعاليق