شمروخ الأراجوز 6
شكشكة شعرية غير دورية بالفصحى والعامية
طلب التحاق بالخدمة السايرة
سيادة الملازم رئيس المدينة
سيادة العقيد المحافظ
سيادة اللواء المغنى
أنا واكله قلبى مشاعر حزينة
ومش عارف ارتبها فى شكل فنى
لأن الشاويش الملحن أهاننى
جرحنى وقال إن شعرى عتيق المعانى
كلام ريفى هلف
وإيقاعه جلف
عديم سنس فقرى
لا نافع أغانى … ولا يتقري
ما هواش حداثى…ولا بندرى
ما بيليقش ع الموقف العسكرى
فى ضل السلام
=========================


وعاصى
بينفر فى ساعة التمام
وأنا يا سيادة المشير الأمير باختصار العبارة
وقصر الكلام
أنا نفسى اعيش
وبكرة
على إيدين سيادتك ما ليش
لذا جيت بكيفى ورهن الإشارة
لا حمصت شتوى
ولا درست صيفى
فهمت بشطارة ما بين السطور
راح الزم حدود الأدب
واراعى مقام احترام الرتب
ما ح أسالس عما وراء المور من سبب
أنا زهفت …تبت، اتهليت
ومليت ومل القلم م الألم
يكفينى ما قلبى شاف من عجيب العجب
أنا جاى راضى بما تأمرون
وطمعان على قدى تلقالى دور
ما عاد يستوى حكم أهل الحكومة والجاهلون
على قلوبنا اقفالها صدت
فلم نفقهون
ح أقف فى الطابور …مؤدب …صبور
كمثل اللى فاتونى وحدى… وسبقوا
ولهفوا جناين رضاكم …ونبقه

========================


مافيش عندى نتفه شروط أو ظنون
ح ألف فى سواقى سيادتك وأدور
ولو حتى أكمل جمايلها تور
ويخفى يغور الجنون والمشاعر
لا أنا كنت شاعر ولا يحزنون
دى أيام لا كانت ولا يرجعون
راح انضم فوراً لجوقة سيادتك
وفى الكادر ح أظهر كما تبتغون
ولو تسحون وأبان فى مرايتك
على قد شوفك وسمعك أكون
وأغنى لزعامتك كما يزعمون
لأنك شمس وغير نجوم
بيفنى اللى بعدك ويفنى اللى قبلك
إرم أوسادوم
ووحدك على رغم أنف العموم
لو حدك تدوم
وأحنا الخدم حمالين الهموم
لأنس الشراب والطعام والحموم
ومن غير هدوم
تأشر
فى تلقائى زى اللى قبلى وأكتر
خدوم
ولو أن قلبى من الخوف واكلنى
عشان عندى عيب صعب دايما خابلنى
جنون بيخايلنى فأبقى عشوم
مابا قدرش أكون العدد فى اللمون
ولا عند رأى العرب فى الصابون
أخاف لتجاملنى
وفى نبل أهل الإمارة تعاملنى
طباعى تاكلنى
ويغلبنى عرق الغتاتة المشوم
أدوب قصاديى فى كاسك سموم
يوليو 2002

==================


استغفار
كلام بسيط فى السياسة
من ملفات السبعينات
يالا مستقلة
يا دحريج وغلة
غيطانك مملة
وصدرك حصير
محلل…حرامه
مدهوش حرامه
مضيع مقامه
الأمير والغفير
غناكى…بكاكى
يشرع رضاكى
تحاوطك سناكى
النكير المكير
نهارك رمادى
وليلك معادى
وتنسى ميعادى
لوعود الوزير
جنونك فنونك
تخالف ظنونك
يغمى عيونك
نهيق الحمير
و خيرك لغيرك
حراميك غفيرك
بنشقى وحميرك
تنام فى الحرير
ربيعك ترابى
خريفك مرابى
وأنا يا خرابى
ما بينهم أسير
أغنى واهاتى
وأعصر حياتى
للحظة مماتى
فى كاسك عصير
وفين ألقى منجا
وأرضك حلنجة
إذا ازرعها منجه
تنبت شعير

=====================

زراعتى شقاره
صناعتى خسارة
هلمة وإدارة
يا سوء المصير
يا غلبى المعبي
عذابى أن ذنبى
باحبك وحبى
عليكى عسير
لأنى ضعيفك
فى مدنك وريفك
مشرد فى صيفك
وفى الزمهرير
وأن أتهد حيلك
أنا اللى آجى لك
يا بلدى واشيلك
كأنى بعير
عصابتك فى ضهرى
لجامى وقهرى
وحبك يا عمرى
مرارى المرير
إذا ما تنادينى
لابد تلاقينى
ولو تحدفينى
ف سعير الهجير
حافظ لك مقامك
حلالك حرامك
ومن نار غرامك
أنا باستجير
---------------
رباعية وربع
يا رازق النملة قوتها فى حجر صوان
ليه ضافت الخيه ع الرزقى وع الفنان
ذو العقل زاحف وارفرافيت رغيف العيش
والجحش متربع على القمة عمل سلطان
***
صايبة العما وكحلة أمة العامشة شمشم زمان

=====================
فى حب مصر
تطويع
ح نضرب ونضرب
لكن ابدا ما نهرب
تحابنا راح نحاربك
تسالمنا يا ألف مرحب
وإذا ح تناور تلاوع
حاذر ساعات بنغضب
ما نحبش السلامة
لو السلام دا مقلب
وما ح نخافش الندامة
طول عمره النصر مطلب
ولا ح نسوق القيامة
مهما الأمانى تصعب
ولو عملت يويو
ح نجهز زمبلك لك
*
مهما عليت خيولك
ع الجحشة العارجة نركب
ومش ح نخاف نمورك
ديتها الكلب لا جرب
أنت لو جمرة قايدة
قلونا حجر ملهلب
بكيفنا يدور مدارنا
لكن فى الصعب نصعب
اللى بيمكر علينا
يلاينا مخ تعلب
والأزمة لو غريبة
تلاقيها حل أغرب
ما يفركش اللى صابنا
وحالنا اللى تلك لك
*
لو جعنا حاف بناكل
وعطشنا ملح نشرب
هزار أيوه بنضحك
ودلع نحب نلعب
لكن أما الأمر يحكم
نشيل حمول ما نتعب
وإن طال الليل علينا
بالصبر الفجر يقرب
شايلين روسنا بكفوفنا
حتى لو خدنا مقلب
وحتى لو زعيمنا
خدنا للبحر نشرب
فاحنا واثقين بانه
لو غصب عنه ناكلك

======================

=================

أرجوزات مصرية
لله يا زمرى
نهيتك ما انتهيت والطبع عاتى
وديب عايب أكيد يصبح فلاتى
ومن عاشر رمم صار جته منهم
ومقطوع اللسان يحلم يهاتى
وأنا المنحوس وموكوس بالهزيمة
تعنسى الماضى فعدمنى اللى آتى
رمانى البخت للعسكر غنيمه
نجيل الهم خضر تحت باطى
بلونى بكل خيبة وكل عيبه
أسف دنيبة طفحوا عنب بناتى
وجيت انهاك عن الداء اللى ذلك
لقيتك بالقانون طالب سكاتى
وياتوز الحرس على قتل شعرى
يا بتسوم حماتى على حياتى
قليل الأصل ما حيرش أمرى
لكين ابن الصول زلزل ثباتى
لذا آخرتها اقول لله يا زمرى
بروم الكدب كل عرش الزناتى

شكشكة
باحبك عشان انت فرحان بنفسك
وخارم نافخوخ السياسة بمزاج
ومستعفى يومك على شعف أمسك
ولا هفها شرعى جباية وخراج
وأنا مش معارض ولا ف يوم ح أنافسك
ولا فيه مروة لآهة احتجاج
ولكن…إذا الصدفة يوم تطفى شمسك
ح أقيد لك صوابعى …شموع ابتهاج؟