الشمروخ 25

شمروخ الأراجوز
25
شكشكة شعرية غير دورية بالفصح العامية
لا يحق لنا ما لا يحق لأهلنا
· هموم علي لحن مصري
لعبوا بينا الأمريكان واستفردوا بنا لما في عشق النقار واللك دوبنا كل واحد وحده فنط زكي ونبيه رأيه هو الحق مهما عك فيه اللي عارفه حتى لو ما كانش حاجة يبقي هو الصح في غل ولجاجة يبقي هو الصح في غل ولجاجة اللي قاري كتاب عمل شيخ فيلسوف واللي عنده قطه بيشوفها خروف اللئيم اللي دبحنا وكل غدانا نعمله إمام الحصيرة ما دام عطانا واللي نشف دمنا نقول دا قريبنا نرضي عنه ونكره اللي كشف عيوبنا المفلس مننا لو جت له فرصة حتى لو حافي نقول لك عنده بورصة واللي فوق كرسي ولو ندل وحرامي نعمله من الأوليا ونسل التهامي
أراجوزات مصرية
موحول قدمك في طين بايش مهدوم عتبك وإنت الجاني.. إحمد ربك إنك عايش لسه ف مصر الهوا مجاني.. ولسه ح تلقي الحاف والفايش وغموس حلبة قريش لباني كبر راسك خش الهامش إكتم ألمك مهما تعاني عمرك راح مستهبل رايش ليه مستعجل والجاى فاني ما انت ول حمرقت يا طايش ح تروح في أبو نكله البراني خدها نصيحة الكدب معايش إنسي الشعر إديها أغاني وإن لسعك علي سهوة القايش قول: من فضلك إضرب تاني..!
كل شكله دخلها نعمل منها قبة بطل الأبطال وهوه يا دوب زقبه لاشتراكية اللي هي نظام عداله أصبحت سرقه وتهليب في نداله جيبنا رأس المال بحجة المبادرة بقي شبيحه وتهريب مال وبودرة وصبح ديننا اللي كان أربع مذاهب أربعين مذهب وهو نفسه غايب والوطن-مصر- اللي كان نفديه بروحنا بقي هو الخنجر اللي فتح جروحنا إختلفنا حتى علي ليه استلفنا والسبب مين اللي نيلها ظروفنا؟
كل جاهل يفتي في اللي ما يعرفوش واتخانقنا حتى ع اللي يقوله (بوش) لعنة فصحى والادى لعنة فراعنة والاجوعنا ذل روحنا للي باعنا فطمونا يا خلق فوقوا العله مين؟ العساكر؟ والاعنة مسلمين؟ والا تاريخ المماليك والجباية؟ والا دي نهاية وح نبدأ م البداية وح ندبح بعض علي نوع الجنين؟
صحفي مانشيت
غايظنى صحفي مستولى علي صفحة يومي في الجرنان ما فاكرشي اسمه متولي أو درش من عيلة ضمران
كل اللي بيقوله يعيده ويفتي حتى في البراغيت وزي ليفة عواميده كل ما تعصرها تجيب زيت
بيقول/دي أزمة عالمية وحلها ف تحديد النسل ولولاها حبة حراميه وموظفين يستاهلوا الفصل
كان من زمان قوي عدينا في التنمية فوقنا أوروبا وكان مصيرنا في إيدينا ولا حسيناش يأس وغربة
يا خلق سبب الوكسه إحنا حكومتنا فل ما شاء الله لولاها كان باي باى روحنا في أبو نكله زي أخونا إياه!
محنتنا من سنوات، عارضة وعلاجها، إن نبطل قر كفايانا تشويه يا معارضة بسببكو ركب الشر البر
قاعدين تنبطوا وتقروا ولا حاجة في الكون عاجباكو وتلهفوا وخفية تصروا واذا انكشفتم تتباكو
لوشتوا ياما شمال ويمين بونات شيكات حسابات أسرار باسم الزمالة وباسم الدين كل الطغاة عندكو ثوار
أما إحنا ميت فل وعشرة دقيقنا عاجنينه بزيتنا والخير إذا زاد مين يكره مادام بنشقي بلقمتنا.
خطتنا ماشيه بكل نجاح والدين بأرواحنا نغطيه يكفي الموبايل والسياح والتذكره أم الربع جنيه
الأمن ضامن الاستقرار لكل فرد شاويش واتنين وجيشنا زرع الصحراء خضار قشطة بهبل ح نوديه فين
وقضينا علي بؤر الارهاب والفن طول الليل سهران وكل واحد خد له كتاب يشبعه حين يبقي جعان..
وخلاص ما فيش أيها محابيس علي أرض مصر- الكل لسان بربند حتى لو تهجيص بيهاتي حتى ولو غلطان..
هو انتو عايزين إيه تاني رقص وفنون للصبحيه أفلام برامج وأغاني ونوم لحد الضهرية..
ما تفهموا بقي وكستكم وتفوقوا من وهم الشعارات دالولا مجهود حكومتكم كان البصل بقي بالدولارات.
تعالوا نبقي راجل واحد ورا زعيمنا وأولاده نهتف بقلب وصوت جامد دي بلادنا زي ما هي بلاده
وهكذا يمضي المذكور يوماتي يفتي ويطجن مهموم يخلي الدور مستور والعجلة تمشي ما تزرجن
يكتب كإنه بألف شعر حويط ما تمسك لوش غلطة وأنا عبيط مش عارف السر إن اسمه علي صفحته يافطة!!
في حب مصر نشيد وطني
· تعيشي يا مصر منصوره في مدينة نصر وصدفه تلوني بكره بحبر العصر.. تعيشي يا مصر.. في صالة المتحف الكبرى وقاعة لاحتفاليات تعيشي ف حفلة الأوبرا وأحزاب التلات ورقات.. في دقة كعب رقاصات بلاد بره ومانشيتات صحف شبرا وأغنيات بنا الملجأ اليتما ليوم النصر..
· تعيشي يا مصر.. ويعلا صوتك الجمهوري في الاستاد هتاف تترج له الدنيا يهز العرش لا هايب ولا خواف غلبنا (بوركينا فاسو) أخذنا الكأس في زقة تلم كل الناس..يعلو رايتك الغندورة فوق القصر
· تعيشي يا مصر.. تعيشي يا مصر.. يا حرة في قناة النيل وفي السابعة وفي الثامنة وفي حداشر قناة وسبيل تعيشي كل يوم مشروع ورا مشروع يكب القفه ع الموضوع، فلا تحسي آلام الجوع.. ولا الموت الفجائي ف قطر قلة حيل.. ولا القعدة في وسط عيالك القاعدة من الأشغال ولا عجز الرجال بالليل يحلو عقدة التطبيع فيبقوا في افتتاح دايم وطبل وزمر
· تعيشي يا مصر.. بوابه علي الثقافات تباهي الدنيا بآثارك وتتحديها بالأموات.. فداكي جيل ضحية لقلة النصفه وجيل أسفة وجيل من قلة الهمة هرس كام جيل وجيل تطجين وجيل تطبيل وجيل عاجز عن المواويل وجيل من يأسه أتكفن بطول الصبر.
· تعيشي يا مصر.. تعيشي يا مصر.. وتواصلي خطي الإنجاز قرى سياحية ومصانع بلاط سيراميك.. مدن راحة لأرباب البنوك والجاز ومهرجانات ومؤتمرات وندوات للأدب والفن عجين فلاحة نومة العازبة بيض الديك هبل شعبي ورقص ورغي ع الشاشات لوش الفجر
· تعيشي يا مصر تعيشي وتبقي تفتكري غنايا الماسخ الفقري وشعري اللي ما هو ش شايف سوى رجلين بلا رصفان وطفح مجاري وعيال حافية وولايا بدقون جديان جتت مرصوصة ع القهوة شيش بتوزع السرطان.. صعايده من بواقي السد باقفاص البلح صبيان شباب بايت وافندية بلا ميزه وبنات نسوان وجوع بيصهلل السهرة في حي الروم وجوه المدرسة الميري يدبل زهرة الأوطان يكره قلمي في شعري ويسرق عمري من عمري- بلاده وقهر
· تعيشي يا مصر.. لكن حسك في يوم تنسيني أنا الشاعر سليل الفقها والحرافيش وانفار العهد سخره وخدم الجيش وسكان الحوش تطفح مدن للخيش وعمال الورش والفلح والدراويش وكل اللي انتي دايساهم بحبك تحت خط الفقر وبرضه يموتوا ويغنوا وهمه بصدق يتمنوا.. تعيشي يا مصر!
من ديوان(سايق عليك الوطن)
علي حدود الأدب
خيانات شعرية
يا ديناميك الشعر ليه شعرك سكون نفسك تكون ريس لجانه يا سيدي كون فمهما كنت وكيف صرت- فلن تكون إلا بقد ما ارتضيت إنك تهون.. الشعر راح منك كمن غسلوا الصحون لأنه عمره ما كان باروكه ولا قرون ولا خدمه للسلطان سواء كان (عمر) والا (هارون) صحيح زمان عند العرب كله صابون مادام صحيح القافية أو بالمسطرة موزون وسيلة يسيره سهله- لمال قارون.. صنعة علي القالب حسب طلب الزبون.. سوا كان أكابر والا دون النهارده يا (وحيد علي قمته) الأمر اختلف الشعر بقي ما هوش ترف.. شعر النهارده يا فريد العصر مس من الجنون وهج اشتعال الروح في ديجور التخلف والسجون نبض الكرامة في العروق غضب الشرف جمر انتفاض الرفض لما الأرض تشهق من فعال (عوج بن عون) أو من عمايل عسكر الفرعون كلاب صيد البشر أزلام ديول نظم الوجع والجهجهون فين ما تكون كيف ما تكون مين ما تكون (صدام) تكون أو (بوش) تكون أو تبقي جبار والا فافي أو (شارون).. الشعر زهرة عصية ع اللي يساومون عمر ما تفتح في غيط اللي يخون لذا مات يا شاعر في جناين حضرتك.. ما عادش ح يدوزن خطاه في سكتك.. من يوم ساومت جبارين نظم الندم عل نيتك نعمة رضاهم زغردت لك- غرتك أيام راهنت الكدابين في غربتك علي لقمتك

شمروخ الأراجوز
المضيفة مصطبة مصرية بحب مصر مكيفة ملحق العدد 25
رثاء فريد حداد 1960-الأرودي
طه سعد عثمان
· زعق الغراب فوق سطوح الأوردي ببنادي تعالوا وليفتي ويا أهلي وبا ولادي دقت طبول الأسى واتضلم الوادي فيه مهزله جديده شايفها هنا قصادي
· عربية جايه وفوقها الغدر سمه ساح فيها بد صفر شايله في إديها سلاح وسبع سبوعه ف حديد من نار قلوبهم ساح والأوردي فيه الكلاب ترقص وهات يا نباح
· وصولا بصحة وشباب وأمل سعيد مضمون ماشيين علي جسر واضح عمره لم هيهون متسلحين بالعلم الأحمر. ومهما يكون ثمن الكفاح يندفع حتى الحياة بتهون
· ع الباب وقف كودية التعذيب بيتمخطر حواليه بقيت العصابة.. قلبها محجر واللي يخطي برجله.. ملط يتجرر علي وشه.. علي ضهره.. لما عضمه يتكسر
· قالوا له اسمك.. فقال اسمي الحقيقي فريد قالوا شيوعي يا واد.. قال أيوه بالتأكيد نزلوا عليه بالرجول والشوم وضرب جريد مع كل ضربة يقول.. هافضل شيوعي عنيد
· خش المسار والظلام خمي ووللي نهار ودق جرس التمام واتحبكت أسوار والنسمه بين العنابر.. تجرى بالمشوار والهمس يجرب وراها.. ينقل الأخبار
· يونس طفا كلوب زاهي.. في الظلام بيقيد وقام عليه كسره.. منفعش فيه تهديد عمر الظلام لم يدوم.. بالشوم وقيد وحديد دا الشعب يولد يوماتي.. ميت كلوب جديد
· والسنة لما اترموا ف زنزانه التأديب والجته فوقها الهدوم لوقت بدم حبيب من كل رفه. وهبشه. وعضه من ناب وديب ع الجسم شاره تسجل.. بصمه التعذيب
· شهداءنا أحياء وفوق رأس التاريخ تاجهم بحروف من النور.. خطوا فيه بطولتهم والعهد بينا وبينهم لم نفوت تارهم ونكمل اللي بدوه للشعب وبلادهم
رباعية عبد الرحيم منصور
* مشيت معاه كان صديق رسينا علي كل شيء صديق وجاع في الطريق هبش في لحمي الني
· تعيشي يا مصر.. لكن حسك في يوم تنسيني أنا الشاعر سليل الفقها والحرافيش وانفار العهد سخره وخدم الجيش وسكان الحوش تطفح مدن للخيش وعمال الورش والفلح والدراويش وكل اللي انتي دايساهم بحبك تحت خط الفقر

تاني
طارق هاشم
· تاني فيه شجر له ريحه غريبه مش داخلاك تاني فيه شجر له شعور طويله وضوافر بتختصر وظيفتها في خربشة الطبيبين ودفعهم للخلف تاني هتكتب عن عيال ميتين بالأجر تحت كباري المشاه تاني فيه شجر ما تقدرش تنطق عبيره تاني فيه شجر مجنون وشجر أناني بتختصر وظيفته في دفع الحقايق للانتحار المعلن تحت عجلات التاريخ.
مافيش حاجة اتغيرت
قايم الصبح بالضرب شايل شنطة كتبه علي ضهره كأنه شايل سوق الخضار بيجرجر في رجليه زي اللي رايح معتقل مش رايح مدرسته وبيفكر في أصعب لحظة بتواجهه في حياته الحظة اللي ح تسأله الأبله فيها عن الواجب والحجج اللي ح يحاول يقولها لها واللي مش ممكن ح تصدقها أبدا و ح تصر تحرجه قدام زملائه وتطلعه يقف ويدي ورشه للسبورة وضهره للفصل ويتنه رافع إيديه لآخر الحصة نفس الشعور دا بيحسه دلوقتي وهو راجع البيت!!
سجن
الشاعر السوداني
عفيف إسماعيل
قال السجان: أتريد شيئا الآن تنتهي نوبتي؟
- ما أسعدك. سوف تعود إلي زوجتك وأطفالك = أنت أكثر حرية مني غدا أو بعد غد تخرج من هنا وتكتب عني قصائد وقصصا وذكريات أما أنا فأحمل معي كل يوم سجني إلي بيتي!
جبهة متحدة!
في دول العالم الثالث دائما يلتقون من اليسار واليمين والوسط في غابة أو قاعة أو فندق يؤسسون جبهة متحدة لإنقاذ الوطن من الطغمة الحاكمة يتفقون علي برامج مستدامه لدولتهم القادمة التي هي بالضرورة تعددية وبعد أعوام من الدمار والرماد والجوع والشهداء والخوف سوف ينتصرون لكنهم دائما يختلفون من منهم يصير الدكتاتور الجديد؟!

مصباح المهدى..
معروض للبيع
معروض للبيع خد لك كنبة رجلين كنبة كانت رجليك إلحق واشتال منك حتى تعمل أراجوز أو فرقع لوز تغطس وتعوم وتنام وتقوم وتشيل رأسك من تحت الشوم وتجيب قوتك وتسيب نفسك ثمن الرغيفين حسب الإمكان إن كان وزان قهوجي/عجان/خشاب/ فاعل/ والا مواوي وقت التوضيب أعمل حاوي معروض للبيع الدار كانت حضن يدفيك وتشد إديك كلمة تقويك وف برد امشير حضنها فدان صدرها واحة نسيان وأمان فرح رواحة الدار مش سقف وباب وحيطان ورفوف شايلاك فوق الجدران أحلام شاخت وعنين داخت لف ودوران معروض للبيع الدار معناها إنك مشدود للدار داخل/ خارج/ مفقود وتلم فتات الدود للدود تعبان يمكن مرحلة فاتت/ زعلان الكلمة حاجات ماتت فايت ف النار مابقاش همك همك عقدة فكها وارتاح الليل كفنك والهم ضريح حاسس إنك ميت بصحيح فوت من موتك خرج صوتك يالصبح يبان يايبان صوتك مستني يدوس عتبة دارك جارك؟!
أو جار من أفكارك والشتا جدران جنب جدارك نازل وأبواب يتقول هبه وبس اللي عنيك سافرت ليها مابقتش عنيك حمل المشاوير ولا هيه بتاعة أمانيها هيه المشاوير داخت فيهاوانت المسامير ساخت ف عنيك يا عنيك الغيم أمتي تمطر وتبل صحارى القلب عنيك معروض للبيع قلبك وعنيك إلحق واشتال منك حتة.
الحلم حاجة غير الكابوس
فقير دا سمكن معدم يجوز ساعات بشبرق وساعات باكلها من غير غموز والفقر ضلمة ومش كل ضلمة تحتاج فانوس والدنيا ياما فيها المخبي بس اللي واضح الحلم حاجة غير الكابوس
مصطفي محمود
بني مزار- المنيا
نرجو من أصدقاء الشمروخ إخبارنا عن إنتظام وصوله و رغبتهم في استمرار ذلك.

من أغنيات الصبا
الحزن ورده مفتحه في جروحك ومصر فارده شعرها في سطوحك كلت قلوب المبدعين القصايد.. الشعر زهزه تحت شمس وضوحك..
جوعه جوعه
علي صابر شاهين
الشعب دا شعب أصيل منبعه وصبور ولا يقدر شيء يخدعه شيال لحمال وان مال الحال مش ممكن عن طبعه تزعزعه فرعونه إله له شأن وجاه لو شافوا خيال فرعون يركعوا يتحكم فيه يشخط بعنيه طول ما هو متربع فوق يتبعه لكن لو ذلك وصوطه إختل بسنانه هياكله وهيمزعه وعشان تحكمه قوي وتطوعه جوعه جوعه أوعي تشبعه لو داق النعمة قوام تمرعه علي طول لسوعه إوعي تتدلعه جبار لو يقدر! مين يمنعه خليه مربوط يجرى ورا القوت وإن لعب ديله بحاله إقطعه كده جنب الحيط م الدار للغيط وان بص لفوق علي راسه اسكعه ان قال لك: قيدي ثقيل أخلعه.. لو كان القيد مجوز ربعه!
اسمحي لي
عبد القادر مرسي
أسمحي لي مرة أقولك أن كل الضعف منك وأنك أنتي في كل عمرك للظروف مستسلمة!! والظروف تلعب معاكي تخدعك تسرق هواكي تندهيني يضيع نداكي صرختك متكممة!! تستري الحزن بغناوي تصحكي علشان تداوي تبدري صبرك تقاوي تحصديه متألمه!! قلبي بس ياخدني ليكي ليل نهار نسأل عليكي لما أخرتها نلاقيكي.. في تل هم مكومة!!
فاصلتهم برغبتك علي عزتك.. نسيت بأنك من سلالة (الشنفري).. وخليفة (ابن نباته)و ( الجاحظ) و (ذو النون)و (ابن هاني) و (عنتره).. أهل الغرام والعشق أصحاب الجنون من يرفضون التاج من أجل الهوى
- لا يركعون وإذا دعاهم هاتف العشاق والأوطان- للابحار في الأعصار أو في النار- لا يترددون..
(يا راجل يا دون !.)فأين كنت؟ عندما انكسرت رايات الفقر والعدل وارتفعت رايات المسخرة.. فضلت حضن البنك أو أحضان مره أنت اللي تهت- بكل إرادتك الحرة ارتضيت- أنك تكون: زي ما أنت الوقتي حيث ما كنت غاوى الفشخرة ضعت ف سكك وحل المطامع والمغانم والصغار.. فأشبع بها إشبع بهم شبع بصحبة اللي زيك- واللي مثلك يلهثون ليصعدون.. من يطلبون الشعر مزه/ في ليالي سكرهم- لا يسكرون.. أناشيد/تبرر كدبهم أو جهلهم أو غدرهم.. لا يرحمون. غنا/ يزوق سكة الشايلين بيادة مجدهم.. لايغضبون الشعر لا يأبه لكم ولا لهم.. ولا للي بيأمنوا لهم آمنوا بهم الشعر يهجرهم ويهجر من يظله ظلهم أو ظلمهم الشعر قاسي.. ومش ح يرحمهم ولا حيرحم أهلهم الشعر مش ناسي خيانتهم نفسهم الشعر يقرف م اللي خرف وانتني أو انحني أو أنتفخ وم اللي عطاه في يوم من الأيام فأفسده الغرور.. وقال (أنا..) وهو يا دوبك في دفتر الحضور نمره- يا كلمه باهته ما بين السطور! الشعر من كرهه لها لما راماها نساها علي عتب الماخور..
لكنه مازال بيأتيني بيأتى لي يأتي لنا يادي الهنا يأتي لمن رفضوا الخضوع أو الخنوع أو التردد- حين حق الاختيار.. دول اللي لسه الشعر بيطاوع هواهم يا غبي يرعش قلوبهم شارد الشعر العصي.. يخضع لهم ويعيش بهم سهل وبسيط فرحان بهم فيضان محيط- شرود لكين يأنس لهم- وليف أليف رحيم بهم وكأنهم بنسغة يتعطرون وفي طهورحليبه يتطهرون وبنسمة السحر الخفي من أنسامه- يتنفسون لأنهم في حبه لا يكذبون وبغيره لا يأبهون..
ومن أصطفاه الشعر لا يخشي سيوفا للمعز ولا لذهب بنوكه أبدا يهون!
من حسن الفطن
· إوعي تفكر في هموم الشعر وأنت بتحسب مصاريف المستشفي أو بتقاوح أم أولادك علي قيمة وصولات النور أو علي مواعيد تسديد الفواتير وبواقي فروق السعر حتى لو كان بيفرهد تحت ضلوعك.. لحن القصيدة..!
شكشكة ع الماشي
مافيش ألذ من الصراحة
· أنا أدفع باقي عمري واحرق الكاكي/ ووثائق لاتحاد الاشتراكي ومحاضر يوليو/ وورق أكتوبر التشرين وتموز العراقي والرسالة الخالدة للأمة ومواويل السواقي اللي عاشت تنعي هم القمة وكشوف السراكي ودفاتر مؤتمركو الشعبي/ أيام البواكي والكتاب الأخضر ولاحمر.. وشوار البنت وحرام المرة.. لجل أعرف إيه حصل لك في الدرة يا عقيد الأمة يا ديكها المكاكي.. بعد ما وصلت روحنا (للتراقي) إيه حصل؟.. بعد ما الود اتصل بالرايات والآيات والنمور والفهود/ وجميلك حتى (للمافيا) وصل.. إيه حصل؟ قول لي يا (قذافي)/ سرك في بير أنا طول عمري كتوم.. بأفهم الأسباب ورا ضعف الصحاب- قبل الخصوم. مهما كانت خارجه ع المعقول.. وصعبه علي القبول.. بس قول.. قول صارحني.. 5يونيه مازال جارحني.. وكامب ديفيد- اللي قصقص ريشي قص ضوافري قزمني دابحني.. وانت غول.. علي شط البحر الأبيض ولا (هيرقل)المهول.. تهويلاتك تهويماتك تأويلاتك- بتقاوحني.. واللي فاضح اللعبة م الأول فاضحني واللي دبرها وفتل لي حبالها عاذرني مسامحني.. كل ما يلمحني ممعن في القبول.. قول يا (قذافي) ولا تخبيش عليه.. حل عصر الكشف وانتهت المهمة.. قول بذمة.. ليه قلعت العمه واللكلوك.. عباية (عمر المختار) وراية الفاتح الخضرا وقمصان البتول..؟ لجل تقف ملط علي باب الوصول.. زي عادتك في مواسم الخيبه- بتدق الطبول لجل يفتح لك خبير الباله- يرضي- يسمح بالدخول!
صدر حديثا من دفاتر العامية المصرية 2004
رباعيات/ تاني- برضه وربع
· النفس وما سواها
· الأنظمة وزعماها
· الثقافة وشعراها
· الخلق ومن بلاها
رباعيات .. برضه وربع
مثل شعبي غصب عني غلبني!
من نهنهات المشيب
q بعيوني دي اللي راح ياكلها الدود أنا شفتهم بيسرقوا وكان الطعام محدود وما صدقوا اتشسبرقوا حين زاد حرام الزاد سكنت رياح الخطر فاتحا نقواع الموجود
واللي عماه البطر عمره ما يوفي وعود
q هو إحنا دون البشر اشباه رجال ونسا وألا إحنا أصلا بقر صاغها الإله ونسا الخلق بتبكي وتفرح في الفرحة وفي الحزن وأحنا في جرن الهموم نعجن صباح في مسا
واللي زراعته (زراط) حصاده إيه غير (فسا)
q وأنا ماشي شايل مخلتي وياوزع الشمروخ الدنيا حسيتها بايخه يا إما عايزه تبوخ الناس تكبر فتفكر في حيطه تريحها وأنا باناطحها ودماغي مليانه شروخ
اكتع بيغني علي ليلي بوتر مملوخ ‍‍‍‍‍‍‍‍‍‍‍

الشمروخ 25

الشمروخ 25

الشمروخ 25 :: تعاليق