شمروخ الأراجوز نمرة 10

لايجوز لنا حق لايحق لأهلنا

سايق عليك الوطن
رد السيد الأراجوز على بيان السيد العجوز
معالى سيادة رئيس الوزر
مؤكد سيادتك أتاك الخبر
بان ابن آدم مشى ع القمر
وصنع مراكب خشب م الشجر
----------
طلع فوق جبال غطس فى بحور
وطار فى الفضا كالطيور النسور
وأمر المكن بالإشارة يدور
وبالعلم ع الصحرا نزل مطر
----------
اكيد انت شفت وسمعت وقريت
ولفيت ورحت وصاحبت ورأيت
وإلا دى كارثة إذا كنت جيت
على اكتافنا ربعت صدفه قدر
------------
لذا اسمح لى افضفض لحضرة سيادتك
ولو فيه تعدى على غالى وقتك
انا مصرى برضه وعهده ف رقبتك
دقيقتك معايا جميل معتبر


ومش رايح اقلب فرحكو مناحة
وعشمى ح تقبل كلامة بسماحة
على قد ما فى الزمن من قباحة
وإلا راح اخرس وأصرف نظر
----------
بإخلاص وعيت للى قلته فكلامك
فخمنت دوغرى السبب فى ابتسامك
يا إما .. لا شايف وراك من أمامك
إما انت فاكرنا عالم بقر
----------
بتوصف اسس اقتصادنا المنيعة
وحكمة إدارتك فى صرف الوديعة
بأسلوب فخيم للخديعة الرفيعة
يخلينى اتمنى حكم التتر
-----------
وتحلف بإن احنا آخر حلاوة
وقاعدين بفضل الرخا فى الطراوة
ما فيش حاجة إلا شوية غباوة
بتغرى لصوص الفلوس بالسفر
-----------
ثقافة قطيفة بمايوه شفتشى
كفاية وزيرها اللى ما بيترشى
واعلام لولاه الشرف كان مشى
وفاتنا فريسة لدبى وقطر
------------
وشهدت جميع الدول لاقتصادنا
وداخلين وخارجين سياحة بلدنا
جيوش من الطافة توعى ولادنا
يحبوا السلامة فتصبح عبر
--------------
وإيه يعنى حبه فساد أو بطالة
ما طول عمرنا خلق عايشين عواله
وطول عمرها فى الشوارع زبالة
عادتنا اما نشبع بنرمى بطر
------------
وساعات بننسى احنا مين كنا فين
ومن غير معونة بنشحت منين
مؤكد باقى لنا يا دوب رمش عين
وتبقى الحقيقة شبه للصور
---------------
وأكبر دليل أنه صار الرغيف
ملقح ولا الرز فوق الرصيف
على مد إيد الفقير الظريف
اللى ياكل ويشبع وتلقاه نكر
-------------
جميع اللى زيى وسمع راح مسقف
لقيتنى اللى ح اطلع حمار مش مثقف
لذا قلت لازم ضرورى واظرف
اقولها زجل تبقى وجهة نظر
--------------
سيادة كبير الوزارة ورئيسها
بلدنا ماهيش بايرة وانت عريسها
دى مصر اللى أصل الحضارة وأساسها
ومن بدرى فجر الضمير للبشر
---------------
ومش رايح احاسبك عل اللى انت قلته




لأنى يا دوبك مواطن سكرتو
ولا فارقه عندك قبلته رفضته
لأنه ما فيش فايدة فى اللى انكسر
---------------
واحنا بفضل سياساتكو انكسرنا
مرايتك ما بتشوفش باهت صورنا
سواقى همومنا بتنعى مسارنا
معاكوا فتقرنا وروحنا انقهر
--------------
فى قبضة شاويشكو المواطن قفا
سواء ان قعد والا غار واختفى
إذا شاف فى صبحه دقيقه صفا
على المغربية يلمع اكر
----------
ورم عليه ضاق عليه المقاس
وفاضل شوية يبيع اللباس
لولاه ماتش كوره يهده حماس
لكان فخه زى البالونه انفجر
-----------
ولو مرة بقيت فى جيبه فلوس
يبوس إده شكرا للحسة غموس
وإذا مراته رحمته تهده الدروس
ونام صاحى حلمه نسيره ظفر
----------
دى مش صورة بارسمها لجل انت تضحك
ما ليش فى موالد دعاية فضايحك
ولا عايز اكشف مصايب تضايحك
صحيح كنت ناوى وربك ستر
-----------
ومش رايح اقولك أمريكا وأوروبا
ولاليه عدانا بقوا ليك احبه
ولافين منابى فى سهلة وصعبة
ولا مين شفطها بهاريز هبر
-----------
انا أصلى تبت وشفيت م القراية
رضاء ربنا وستره غاية مناي
اونفسى توضح لى أغرب حكاية
هريتونا بيها أغانى وصور
-----------
فلقتونا قلتوا الحروب انتهت
وح نعيش على اللحم خالى الشغت
وكافة فلوس الحروب العبط
ح تشتى على دماغنا زى المطر
------------
وصدقتكم قلت افرح واهلس
وسامحت اللى قرقشنا لب وملبس
لقيتك راكبنى وقاعد تميس
بتقنعنى ان الهوان للعتر
-----------
وصدقت تانى مؤجل كرامتى
كفاية المعاهدة اللى رافعة لى هامتى
لقيت العدو بيك مجهز جنازتى
وشفتك بتقرا فصار السور
-----------
وفارسنى بعد السنين الطويلة
بتهرسنى تانى وتعدمنى حيلة
وتشبع تحلى بأحزاب قتيله



غاظتنى ابتسامتك ابويا شخر
-----------
ومن قبرة قال لىالكبير ياد كبير
اكيد مخه موزون واحنا الحمير
دافية تحت إيده ولا ميت وزير
أساتذه فى قراية الرمال والأتر
----------
ولازم لابد ان عاملين حسابهم
على طرد إبليس ولو كان راكبهم
دى عينهم ملانة وواخدين نصيبهم
ودارسين وعارفين حدود الخطر
----------
.معاهم إرادتنا حره متينة
وأبواب بلدنا مؤكد حصينة
دليل ان بقضوا الإجازة ف مارينا
وفى سينا زارعين فراولة وجزر
----------
فعفوا يا أكبر دماغ فى الوزارة
سؤالىعن الفهلوة والشطارة
وهل بكره يلقوا عيلاى البصارة؟
وإيها لدليل إنى لسه بشر؟
-----------
باحس إنى عجلة فى دكان جزارة
وواحد دابحنى لحساب التجارة
وقاعد بيحسبنى ربح وخسارة
وانا ضفر طفلة فى إيدها حجر!
----------------------------------------------
الفوازير
قصير وفزعة واصله مريب
لكين واد مخلص ولبلب لبيب
صعيب احتماله ومالوش حبيب
سوا اللى ف زريبته شوالى الحليب
عطوا له امانة فلوس الفنون
فظهرت عليه المواهب جنون
فتلعن ابوه لجل اصبح أديب
-------
على قد ما شكله هين وعادى
تخصص نميمة وسلاطين زبادى
وبالقشطة فورا من الحلة دوغرى
خبير اسطى دق الخازوق المغرى
جميع من تولوا الفنون يكرهوه
لكين ميزته جاهز منين ما يعوزوه
.. ويحتاجوا لت القاموس المعادى
---------
معسل وملبن وسمسار حريم
واسطى قديم فى السلوك اللئيم
وفن اللى يعلا أكيد حين يطاطى
فيفشخ ببسمة خبير انحطاطى
وكان عمره ناقص وخدمه موائد
لحد اما حصلت صبح نص زائد
لأن الصبى بتاعه اصبح زعيم



آخر حدود الزجل
سبايا آخر الحروب
حكومة عاجزة وشعب مريض .. بيحلموا بالمعزة تبيض
والعيبة جايبة دم صديد .. والخيبة جنت معقولها
الفقها فتنوها الأروام .. والبغل فى الأبريق عوام
وكل من كان حط لجام … خوف الصراحة تكعبلها
مادام صبى من مصروفة .. وفك قيد نص خروفه
ظبط ظروفها على ظروفه .. بطول إيديه مترين طولها
والبيه لوحده شريف ونزيه ..يادوب فطاره بنص جنيه
حتى الصومال حاسدنا عليه علشان ولا يته برسمالها
اتخضرت له على الطبطاب .. واتعسكرت له بضفر وناب
ودسترت له قانون الغاب ..حلال زلاله - يحول حولها
يبشبش اللى بيدعى له .. ويبقشش اللى يغنى له
فرحان قوى بسواد ليله… يقلبها ويقول باعدله
ا
آه يا وطن شاب من صغره .. وغزل بصبره خيوط قهره
افخر ما يفخر بيه – قبره .. وزراعته برسيم لعجولها
واحنا السبايا نساء ورجال .. قاطعين خلف عادمين الخال
نبات بنشتم فى الطبال .. ونصحى نرقص لطبولها
وح اعمل إيه؟ …قرفان شعرى .. القاعدة وسعت على شبرى
............ عشت اما شفت هوان أمرى وحجز على

من نهنات المشيب
ملخت جدرى
من الوطن بشويش
وقلت بلاعيلة
بلا مهنة شقا
..بلا جيش
..الأرض بارت
صبح خلف الزعيم أزعم
وانا اتكتب لى أعيش
عبد لرغيف العيش
من حظى ساعة الخطر
أفطس عديم الريش
كرهت ريحة الورق
… وملمس الأقلام
وباكون تعيس زى دودة
لحظة الإلهام
طافحة شطوط الوطن
حتى الحلوق بالكدب
والكبد وارم
بإيدز محارم الإعلام
فى ساحة الفن ما باقىسوى الأزلام
-------------------------------
رباعيات وربع
الخيبة لامه التملية على الألاطيش
بمب الفضايح يفرقع بالونات ويطيش
يا للى عدمت الخجل .. يا عقدة وشنيطة
اتدارى ورا حيطة من عارك ورد الشيش
*
الناس ما هياش عبيطة ان ساقت التطنيش


فى حب مصر
على كل لون
اللى محتاجه البيت يحرم ع الجامع
محتاجين طبعا لعشرات اللجان
لمساندة كل مظاليم البشر
فى كل أرض
حتى فى جز القمر
أيوه .. محتاجين لجان من كل نوع
لجنة لمساعدة هنود أمريكا
وعواجيز كردفان
لجنة ضد الجات وألاعيب الأوبيك
ضد غزو المافيا لإيطاليا
و موسكو و اليونان
..ضد صيد الباندا والفيل والحيتان
لجنة ضد دالعرى ضد المسخرة
فى حوارى انجلترا
ضد المطر
ضد المجاعة فى الصومال
وف اندونيسا و السودان
احنا محتاجين لجان على كل لون
...لجنة ضد البرد ضد الاحتكار
لجنة لحماية آثار المماليك
..وانهيار الفلس والليرة ومليم الفريك
..لجل بكره ما نشتريهشى بالدولار
..لجنة ضد الغدر بالشعرا وبتوع الموسيقى
فى الجزاير فى كابول أو فى إيران
..إحنا محتاجين لجان . إذا لكل شينه شان
..ضد دفن نفاية الذرات وصراعات الحدود
ضد نفط الذل وجنون البقر
ضد تسليم أرض طرح البحر للخبرا اليهود
ضد ورد النيل ودبح الفنانات
لجنة تجعل مقتل الدرة بإفادة
ألف لجنة لجل دعم الانتفاضة
إنما .. ياصاحبى يا مليان حماس
قبل ما تبقى اللجان حمى.. وعادة

تبتلينا براحة تقتلنا البلاده
...وقبل ما ننسى حقيقة كنا بنعيشها زمان
لما كان لسه الوطن فى قلوب شعوبه
واللى ثورى ثورى ماعباش جيوبه
لسه ما اتعوددش يخفى ف مكمنه السرى عيوبه
احنا محتاجين للجنه … لجنة لكن لجنة جد
لمساندة شعب مصر
شبعنا اللى مالوش حد
اللى متعلق فى تلابيت الرغيف
واللى خنقت لقمته وخوفه الشريف
حريته
لجنة لجل تخف عن كتفه الأصيل جزم العساكر
لجنة لجل مساعدته يرجع يذاكر
يكتشف من تانى نبل هويته
وانه يقدر ينتمى للعصر وتعود دهشته
يحلم بنصر بسيط حقيقى – ف قدرته
لجل يرجع تانى ويميز ما بين الناس كناس
أو بشر أعجاز شجر
يكتشف فى نفسه وبنفسه معانى العزة وإرادته
-القدر
اللى تتخلق فى قلبه الطفل
أوكفه ما تموت ع الحجر
-------
شكشكة فى ذكرى عدى فخرى
باحب صوت الكنايس
واعشق هديل الأدان
يا قلبى كون ألف فارس
تحرس عشوش اليمام