صيف حــــــــــار جـــــــدا...

الصيف ده جاى حَر جدا
شمسه بتطقطق شرار
خوفى يفاجئنا يلاقـــــينا
تماثـــــيل شمع انتظار
مخلوطين حانا فى مانا
ملخومين فى شقار نقار
مرعوبين من رعب يرجع
محسورين على حلم طار
والعروق نشـــــفت دماها
ولا لعّيبــــــــــــــــة القمار
رغى ع الشاشات بيفتى
أرزقية ومـــــــــــــــستشار
هذا لابس دقن فضىّ
ذاك متوضِّى بســــــــــولار
وهذا راهن مهر بنته
فى بنــــــــــــوك ورا البحار
واللى قرفان م الجوافة
إبتدا يصـــــــــــــــــدر خيار
ودا بيســـــوق الهيافة
ويومى بايت فى المطـــــــــار
رجل برّة ورجل جوّه
جــــــــــــــــــوّه عبّه الف فار
عمره كان يرقص بطبلة
النــــــــــــــهاردة مسك جيتار
واسمح لى أغير نغمته
قافيـــــــــــــــــتى ليها اعتبار
مادام ساويرس عمـــلها
وبقى الريس ع الأحـرار
الفاجومى صار ضـرورة
أصل وصورة فى الاخبار
وروقه يطــــــــلع براءة
فى زفة بالفــــــــــــانفار
وستة ابــريل يا حســرة
قلبـــــــــوها سـتة آزار
واللى انتظرناه ما جاشى
فاته ميعاد القطــــــــــار
والاشتراكى فاجــــــــئنا
بجاكتـــــــــه ست ازرار
كأنه جنرال وجيــــــشه
فصـــــــــــيلة ست انفار
خلا اليمينى الخومينى
لبس عبــــــــــاية اليسار
مع ان عمك عطيـــــة
مــــــــات دون رد اعتبار
كتاف صحــاب الســــعادة
أعــلا من الأســــــــــــوار
والحاج فى الشــــرم عايم
مستنى طـــلعة نهــــــــــار
وحزبه راجع بيــــصـــحى
بيــــــقاوح التـــــــــــــــيار
وقرشه واخـــــــــد براحـه
فى البورصة غلـب الدولار
بصّم شـرف عقد توشــكى
وما عدش فيه أســـــــرار
والبنك أعطـــــــــانا منحة
لجلن ما ننســى المســــار
يوم ضللــــتنا الســـــحابة
وباض اليــــــمام فى الغار
أنا ماليش ضهر ح ارضى
لو طــــــــلعت نص حمار
ما هو كل من كلها والعة
ختم جمـــــــــــيع لاستمار
دا كان ميراث أمُه .. قـلعة
وشط و ميدان إيجــــــــــار
وده كان بيبيع كبدة ساقعة
وده عمـــــــه كان إستادار
واضحك يا راجل وصدق
نصيــــــــحة خـــُـدها هزار
لو جد ح تبـــوخ يا راجل
د الحــــــــــــــــق بلغّ فرار
الثورة صـــــبحت خناقة
على تلتمـــــــــــــيت مليار
والدم لو يرضـــــى ديّة
إيه تبقى غير أصـــــــــفار
كان امتى فيه ثورة دامت
محــــــــــــــرومة م الثوار
وامتى كان سلـطة قامت
وخايــــــــــــــفة تاخد قرار
وكل من لتّ طـــــــــــــجن
ما عمـــــــلش ليها اعتبار
لحد ما الدوميـــــــــنو قفلّ
وما عادشى يبــقى اختيـار
المجلس الحسبى وحـــده
ح يدوزن الأوتـــــــــــــار
لكل نوتــــــــــــــه نغمـها
ولكل كــــــــــورس شعار
الكل ع الـــــــــــكل يعزف
تتـــــــــــــــــوزع الأدوار
شطرنج رصّوا بــــيادقه
لكن فى نفـــــــــس المدار

الوحش ما يسبش غابته
إلا اذا كان حــــــــــــــــمار
قالها نهار استـــــقالته
أنا يا الخــــــــــــــراب للدار
ومادام ما طلتش رقبته
البركة فى اللى اســـــــتخار
عليه ومنه عوضـــــها
طريقـــــــــــــها لف استدار
ساقية واذا جف بيرها
ينزف عصــــــــــيرها مرار
وانا وحدى اللى ح يكبش
م الحســــــــــرة جمرتها نار
اللعبه دايرة قوم العــــــب
ما أظــــــــــــــــــرفه لاختيار
كونكان يا كومى يا بصرة
محبوسة أو جلـــــــــــــــبهار
دا الصيف ..وشمسه ح تنقح
وتـــــدبَل الأشــــــــــــــعار

صيف حــــــــــار جـــــــدا...

صيف حــــــــــار جـــــــدا...

صيف حــــــــــار جـــــــدا... :: تعاليق