الشاعر سمير عبد الباقى
مرحبا بكم فى منتديات شمروخ الأراجوز للشاعر سمير عبد الباقى

انضم إلى المنتدى ، فالأمر سريع وسهل

الشاعر سمير عبد الباقى
مرحبا بكم فى منتديات شمروخ الأراجوز للشاعر سمير عبد الباقى
  • الرئيسية
  • البوابة
  • أحدث الصور
  • التسجيل
  • دخول
المواضيع الأخيرة
» شمروخ الاراجوز 2
رباعيه وربع Emptyالخميس يوليو 24, 2014 10:18 am من طرف عماد عبد الحكيم

» جاك نصيبة
رباعيه وربع Emptyالخميس يوليو 24, 2014 10:00 am من طرف عماد عبد الحكيم

» فوانيس الأراجوز التعيس فى ليل المد والتوريث
رباعيه وربع Emptyالأحد مارس 11, 2012 6:29 pm من طرف Admin

» اغنية حمامة بيضا غناء عدلى فخرى اشعار سمير عبد الباقى
رباعيه وربع Emptyالأحد مارس 11, 2012 6:10 pm من طرف Admin

» فى حب مصر يامركب الشمس عدلى فخرى و سمير عبد الباقى
رباعيه وربع Emptyالأحد مارس 11, 2012 6:08 pm من طرف Admin

» معرض الكتاب القاهره 5
رباعيه وربع Emptyالأحد مارس 11, 2012 6:06 pm من طرف Admin

» معرض الكتاب
رباعيه وربع Emptyالأحد مارس 11, 2012 6:02 pm من طرف Admin

» معرض الكتاب 3
رباعيه وربع Emptyالأحد مارس 11, 2012 6:00 pm من طرف Admin

» معرض الكتاب 4
رباعيه وربع Emptyالأحد مارس 11, 2012 5:57 pm من طرف Admin

التبادل الاعلاني
مطالب شعب
تسجيل نادر
-----

الوقت/التاريخ الآن هو الأحد نوفمبر 24, 2024 8:05 am

رباعيه وربع

الشاعر سمير عبد الباقى  :: السيرة الذاتية :: رباعيه وربع

  • المواضيع
  • 08032012
     

    جاك نصيبة

    راقد يغيظ الشمس فى سريرة
    ويمضغ الامس حسرة يعض ضراضيرة
    كان البساط احمدى حجرت لية قلبك ؟
    وبعت شعبك طمع تكسب رضى حميرة
    ياخى جاك نصيبة اللى زيك قطعوا مناخيرة

    من طرف Admin - تعاليق: 1 - مشاهدة: 589
  • 08032012
     

    اتقى المولى

    يا عم زيد الصلى بس اتقى المولى
    الدين ماهوش هلفطة وتجارة ومقاولة
    وماهوش سياسة بتقبل كدب او اقنعة
    ولا منفعة تتخطف فى السر م الدوله
    الدين بشارة عدالة وحب ومداولة

    من طرف Admin - تعاليق: 0 - مشاهدة: 379
  • 08032012
     

    بس كفاية عليكوا كدة

    الناس فى هوجة وصياح على بعضها قايمة
    مع انهم مؤمنين الدنيا مش دايمة
    رمى التاريخ فى زبالتة اللص والممحون
    وفات رغاوى الظنون جهل وجنون عايمة
    ياشمس طلع الصباح لساكى لية نايمة

    من طرف Admin - تعاليق: 0 - مشاهدة: 300
  • 08032012
     

    مالوش ف الرجولة

    سايق العبط على الهبل بحجة الصحة
    مع انة لو شال جبل ماحتجيلوش كحة
    لكن عشان عرق خايخ والجشع سلسال
    خلف عيال ودروة ماقالهم دحة
    واللى مالوش ف الرجولة بزقة يتنحى

    من طرف Admin - تعاليق: 0 - مشاهدة: 343
  • 08032012
     

    نص البلد

    نص البلد عسكر على نصها
    ودا اللى من بدرى قطم وسطها
    لو كان بعتهم يزرعوا الصحرا
    ماكانش فلاحها شحت قمحها
    ولا خرس بين الأمم حسها

    من طرف Admin - تعاليق: 0 - مشاهدة: 314
  • 08032012
     

    الميدان

    فقد الميدان زهوته
    لما افترق وفقنا
    بقى كل واحد بيرسم ع البلاط وحده
    و الكل بيحسب يقيس الثورة على قده
    و نسى غراب الخيانة بيعس فى أرضة

    من طرف Admin - تعاليق: 0 - مشاهدة: 275
  • 08032012
     

    الخلق

    الخلق متبعترين ما بين رصيف ورصيف
    متبعترين شرق غرب ما بين رغيف ورغيف
    الأزمة ضاربة الخلايق ع النافوخ جزمة
    ومالهش لازمة الشرف نفسه ماعادش شريف

    حكم الجهالة المخيف خلا الأمل تخاريف

    من طرف Admin - تعاليق: 0 - مشاهدة: 267
  • 08032012
     

    معدومين إحساس

    ولا زى نيران الحرب تطّهر قلب وعقل الناس
    ولا زيّه صوت الشعب يخللى الجند توج حماس
    ليه يومها سرقوا عزتك يا بلدنا ونسيتى
    وليه انكفيتى وطاوعتى شيطانهم الخناس
    ○ ○
    سْلمتى أمرك لخونة معدومين إحساس

    من طرف Admin - تعاليق: 0 - مشاهدة: 244
  • 08032012
     

    فيلم

    فيه فيلم تشوفه مرة وفيلم فيه تعيش
    وفيلم شغل برة.. ما يغركش الأفيش
    والفيلم اللى انت كارهه من ربع ميت سنة
    ضهرى بيه انتنى وطلع على مافيش
    ○○
    وما كانش ليه نهاية إلا حبس الشاويش

    من طرف Admin - تعاليق: 0 - مشاهدة: 320
  • 08032012
     

    يا خوفى

    يا خوفى ترجع وطن يا وطن .. وتنسانى
    ويفتروا ع الحقيقة - أطلع أنا الجانى
    اللى نسوا (في حب مصر) طبيعى ينسونى
    واللى باعونى معاك يد وسونى من تانى
    ○○
    ومنين أجيب ناس صحاب م القلب فاهمانى

    من طرف Admin - تعاليق: 0 - مشاهدة: 242
  • 08032012
     

    مديح

    كان نفسى اكتب فيك قصيدة .. مديح
    لما قريت زجلك عن الوطن الجريح
    بس قلمى اللى غرامة ربّة العشق القديم
    حس تقاسيم غنوتك دقة على طبلة صفيح
    ○ ○
    إمتى تفهم يا كسيح إن الزجل غير الفحيح

    من طرف Admin - تعاليق: 0 - مشاهدة: 254
  • 08032012
     

    عشم

    عندى عشم إنى أمشى قبل موتى في عزاك

    لجل ألمّ شوك القرافة أجدله حبل لقفاك

    إنما لحظّى المنيّل عزارئيل من قرفه منك

    أعمى عنك قصْدْ اشوف بكره خرابة من وراك
    ○ ○
    يا إله الكون أجرْنا وخف عن نيلنا بلاك

    من طرف Admin - تعاليق: 0 - مشاهدة: 229
  • 08032012
     

    الشمروخ

    الشمروخ لو يوم اتمسكن للشعر يبوخ
    الشعر بكل جلاله هو اللى بيتمحّك في الشمروخ
    لأنه..لا بيدوّر على صورة ولا مفارقه ولا تشبيه
    يكفيه إيقاع الضرب وشكشكة العايبة والمنفوخ
    ○ ○
    فى وطن بقى روح العالم راجع للكورة ملبوخ

    من طرف Admin - تعاليق: 0 - مشاهدة: 203
  • 08032012
     

    كل زعيم

    كل زعيم يظهر ياخد طَرقتُه ويفيّص
    واللى بيعمل جد أن دقّقت تلاقيه بتمهيَص
    هذا زمن القهر مقزّم أحلام الخلْق
    وبقى الحق الحيطة الواطية تلكيكة للى بيستنقص
    ○ ○
    وح تعمل إيه؟ والكل على حبل الغل بيترقص

    من طرف Admin - تعاليق: 0 - مشاهدة: 202
  • 08032012
     

    ضيعت عمــــرك

    ضيعت عمــــرك


    إتمسك بمكــــانتــــــك..!ضيعت عمــــرك نفر على الرصـــــيف
    فى مقتلة بالدم لجــــــــــل الكرامـــــــــة
    ومعركة علـــــــــــشان تطــول الرغيف
    فاياك تفكر فى شــــــــــــروط الزعـامة
    إعقل وكمل .. مدتك مصــــــــاريف !!

    من طرف Admin - تعاليق: 0 - مشاهدة: 210
  • 08032012
     

    كل زعيم

    كل زعيم


    كل زعيم يظهر ياخد طَرقتُه ويفيّص

    [b]واللى بيعمل جد أن دقّقت تلاقيه بتمهيَص
    هذا زمن القهر مقزّم أحلام الخلْق
    وبقى الحق الحيطة الواطية تلكيكة للى بيستنقص
    ○ ○
    وح تعمل إيه؟ والكل على حبل الغل بيترقص    [/b]

    من طرف Admin - تعاليق: 0 - مشاهدة: 285
  • 08032012
     

    بيفتى

    بيفتى
    بيفتى كأنه مسجل شريط
    طويل المدى فى فصاحة حويط
    بيرطن يرص الكلام هو-هوه..
    و سايق الهبل ع العبط مش عبيط
    ..
    طراطيش ذكاوته تسمم محيط

    من طرف Admin - تعاليق: 0 - مشاهدة: 211
  • 08032012
     

    سمير عبد الباقى صاحى حزين

    صاحى حزين بتفكر فى ميـــــــــــدان التحرير
    قلقــــــــــــــان قوى ع الثورة قلقان م التغيير
    والقــــــوة موازينها فى صــــــــــــمت بتتغير
    و انت اكمــــــــــن صــــــــــغيرّ معدوم التأثير
    **
    كله بيحلف باسمك و يبيـــــــــــــــــعك يا فقير

    من طرف Admin - تعاليق: 0 - مشاهدة: 247
  • 08032012
     

    أشكرك

    c
    أشكرك يا مصـــــــــــــــــــر ع الفقر النبيل ..
    حكمتى ما اكبرش لجل ما اكونش م الدلاديل
    وأعيش اغمــــــــــــــــس لقمــــتى من عرقى
    يحمـــــــينى قلقى شهوة العـــــــــــيش الذليل
    **
    لذا مخاصمــــــــــــــنى يعادينى كل ندل عويل

    من طرف Admin - تعاليق: 0 - مشاهدة: 234
  • 08032012
     

    امتى ؟

    امتى ؟
    إمتى ضميــــر البلد دى يصحى ينصفنى
    وانا اللى سبعين سنه مــــــوتُه مخوّفنى
    عصَرت روحى محبّة ف طميها دواوين
    فدادين من العشق ليه الحظ خـــــــالفنى
    •
    حتى الطبيب اتجرَح حين حَبّ ينصفنى

    من طرف Admin - تعاليق: 0 - مشاهدة: 258
  • 08032012
     

    ماما

    محلاك يامــامــــا سوزان يوم رجعتك بجمال
    تملى البلد بالفلول بديول وأشباه رجال
    من اللى كترت فضايحهم وقــالوا عليك
    ورجعوا باسوا ايديك وبدلوا الأقــــوال
    **
    سبحانه جعل البهايم مضــــرب الأمثال

    من طرف Admin - تعاليق: 0 - مشاهدة: 288
  • 08032012
     

    عدلى فخــــــــرى ... وأنا

    عدلى فخــــــــرى ... وأنا!
    حضورنا برّة الأغانى فسَــد علينا الناس
    لأن فقر السياسة .. خدنا لغباء الحماس
    فرمانا ريح الخلاف لبحر تغرق فيه
    النّفس شطّت بنا بقت الظنون وسواس
    **
    والموجة عليت علينا أتلخفن الأحساس

    من طرف Admin - تعاليق: 0 - مشاهدة: 207
  • 08032012
     

    المجلس

    من مجلس الثورة حتى المجلس الأعلى
    مصيبة لو كان فى بالهم أخدها مقاولة
    بقى لنا ستين سنة عاكمينــــها يا سادة
    ليه نقطع العادة ما احـنا باللجـام أولى
    **
    من عهد فرعون واحنا الأمــن والدولة

    من طرف Admin - تعاليق: 0 - مشاهدة: 222
  • 08032012
     

    أعداء الشـــــعب

    أعداء الشـــــعب
    طول عمرهم أعداء آمــــال الشـــــعب
    ولا مّرة هتفــــــوا للوطــــن م القـــلب
    يشهد جلالة الملك من فؤش لابن سعود
    مرض تاريخى يعود وكأنه عضــــة كلب
    **
    والإبن مهما حلف .. وارث جينــات الأب

    من طرف Admin - تعاليق: 0 - مشاهدة: 238
  • 08032012
     

    حالف تكــــفرنا

    حالف تكــــفرنا
    ليلاتى تظهر على الشــــاشة تكــدّرنا
    حتى ف إذاعة الأغانى الـذوق تعكرّنا
    هوّ انت فرْدة علينا كل عصر بشـــكل
    ما كفاية أكل ف حرام.. الكدب دمرنا
    **
    والاّ أنت حالف بأشعــارك تكــــفرنا

    من طرف Admin - تعاليق: 0 - مشاهدة: 226
  • 08032012
     

    المحاكمة

    المحاكمة
    مادام رضيتوا المحاكمة – والقاضى واد عمـــه
    و الرحمة فوق القانون والدور و ح نلمّه
    كفايه يا ابنى اللى كان .. العجْل طـق و مــات
    د القمح لو فات حصــــاده ..نسيبـــه ما نضمّه
    **
    و الثورة زى الملاكمة ، ناخــدوه على مشــمّه

    من طرف Admin - تعاليق: 0 - مشاهدة: 250
  • 08032012
     

    ثورتكو رايحة لفيــن ؟

    ثورتكو رايحة لفيــن يا اهل النــظر والشـــوف
    إياكــو تنســـوا الكرامة تحت سيــــف الخــوف
    طول عمرهم موجودين كارهين شئون السياسة
    الا ف ساعات الحماسة ..يماينوا حسب الظروف
    **
    ويبيعوا أبو ذر شرعا من أجل عين ابن عوف !!

    من طرف Admin - تعاليق: 0 - مشاهدة: 264
  • 08032012
     

    وجوهـــهم

    رجعـت وجوهـــهم للصفـــوف الأولـى
    شايليــن مناديل أمان من أمّنـا الغـــولة
    مترصصّين ع الكراسى وكل وقت بوقته
    يفتوا ف أمور الوطن على موجة مغلولة
    **
    تسقف العورة فرحة وترقص الحــولة

    من طرف Admin - تعاليق: 0 - مشاهدة: 235
  • 08032012
     

    حلفت بيكى

    أنا الذى حلفت بيكى اكتر من القــرآن
    وعجنت بدموعى طميك حلم للشطآن
    مشيت مداكى الفسيح من الميلاد للقبر
    أغزل لك الفجر غنوة تخفـف الأحزان
    **
    وفردت فى الحر شعرى ضلّة للحران.!

    من طرف Admin - تعاليق: 0 - مشاهدة: 274
  • 08032012
     

    يناير ح يضيع يناير

    يناير
    ح يضيع يناير علينا ويبقى راح اللى راح
    حين ننسى إن القطط ليها سبعــة م الارواح
    عجيبة شَد القانون حيل كان انقطع منه
    وكأنه قال لِف وارجع حضن مصر براح
    **
    فاوهبنا بعض اللى خدْته .. كلّنا نرتاح

    من طرف Admin - تعاليق: 0 - مشاهدة: 237
  • 08032012
     

    غيبوبة

    غيبوبة
    فى ناس فى غيبوبة ما تطيقشى شعاع النـــــور
    بقرة قصادهم – بيسيبوها ويحّلبوا فى الطـــــور
    وان شافوا شمس النهار واضحة فى عز الصـيف
    ما يشوفوا ضِل خيــــــالهم منحنى ومكســـــور
    **
    يتخانقوا على عشرة طاولة كإنها ( الدستـــور )

    من طرف Admin - تعاليق: 0 - مشاهدة: 212
  • 08032012
     

    مصر العتيقة

    مصر العتيقة عطتــــــنى حقى وزيادة
    حين عشمتنى بثورة لوكس مش عادة
    من طول لسانها الكلام فرهدنى كالطــوفان
    فكّرنى وكسِة زمان .. ومصـــــر ولادة
    **
    ساقية بتـــرغى وترمى و رقابنا سدادة

    من طرف Admin - تعاليق: 0 - مشاهدة: 233
  • 08032012
     

    سبعـين سنــة

    سبعـين سنــة
    سبعـين سنــة غُـربة وسجـــن وسفــر
    وعايزنى أملا استـــمارة لجـل اكون لك نفر..!؟
    خيوّب عليك ليه بقيت خيبةْ وعيــب ع العــــصر
    دى مصر كاتبة حروفى على جبين القمر
    **
    وانا مش بالـــونة غباء صابها الغرور يا غجر

    من طرف Admin - تعاليق: 0 - مشاهدة: 210
  • 08032012
     

    جفت فى قلبى

    جفت فى قلبى منابع الفرح القديم
    حاصرنى فيض نهرين من الحزن الدميم
    خليك شراقى يا ارضى و كحليها دموع
    مافيش طلوع- العقول مدفونة تحت الهديم
    ..
    انشق قلب الوطن من حسرة المظاليم

    من طرف Admin - تعاليق: 0 - مشاهدة: 227
  • 08032012
     

    عشت طول عمرى

    أنا عشت طول عمرى مستخدم لأمثالك
    لكن ماشفتش قليل و عويل فى مثالك
    ساومتنى ع الشرف و انا غافل النية
    غميت عينية و نفضت عليه أوحالك
    ..
    راية الخرافة ف يمينك و جدل العلم فى شمالك

    من طرف Admin - تعاليق: 0 - مشاهدة: 258
  • 08032012
     

    يا دوب

    ماشى يا دوب جلابية معلقة فى شماعة
    بيخطى خطوة فى قلاطة و خطوة فى لكاعة
    و بيشد نفس السيجارة كأنه أخر نفس
    بس بلمس لو نكشتة يقلب اورطه جعجاعة
    ..
    فى صدرة شايل كابينة بث و إذاعة

    من طرف Admin - تعاليق: 0 - مشاهدة: 272
  • 08032012
     

    زبون ميكروباس

    زبون ميكروباس
    لو كان زبون ميكروباس أو زحمة الاوتوبيس
    لكان عرف سر دائها فى عشم إبليس
    و عاش زمانة فى مكانه فى قرف و بساطة
    و ماكنش فكر بتاتا .. إنه يبقى رئيس
    ..
    و كان يحرم يسافر لأهلة كل خميس

    من طرف Admin - تعاليق: 0 - مشاهدة: 221
  • 08032012
     

    ارفض سيادتك

    مازلت ح ارفض سيادتك فرد أو مجاميع
    علشان سيادتى نفر من زمرة الجرابيع
    ماليش مواهب الغفر و لا عندى عصبية
    تدينى حيثية فى سوقكم ألــِمْ و ابيع ..!
    ..
    للسلطة جينات تحضٌر للعروش مقاطيع

    من طرف Admin - تعاليق: 0 - مشاهدة: 235
  • 08032012
     

    عذاب ايه

    تقدر تقولى عذاب ايه اللى بيحكوا عليه
    و مافيش وطن يشغلك و لا عشق تشتاق ليه
    جته بلا بكره ناسية انه كان لها أمس
    بلا زوق و لا لمس .. لحم اخرس فى نار تشويه
    ..
    دا الكلب لاجرب يهوهو لو بطوب ترميه

    من طرف Admin - تعاليق: 0 - مشاهدة: 224
  • 08032012
     

    سبعـين سنــة

    سبعـين سنــة
    سبعـين سنــة غُـربة وسجـــن وسفــر
    وعايزنى أملا استـــمارة لجـل اكون لك نفر..!؟
    خيوّب عليك ليه بقيت خيبةْ وعيــب ع العــــصر
    دى مصر كاتبة حروفى على جبين القمر
    **
    وانا مش بالـــونة غباء صابها الغرور يا غجر

    من طرف Admin - تعاليق: 0 - مشاهدة: 239
  • 08032012
     

    فى ساحة الشعر

    فى ساحة الشعر أنا فارس و مالى مثيل
    و مهرتي فرسة حرة من كرام الخيل
    الشعر عندى ماهوًاش نزوة و مغالطة
    الشعر هوة الحياة – الحب – صبر النيل

    من طرف Admin - تعاليق: 0 - مشاهدة: 226
  • 08032012
     

    ضاعت منى ميت سلسيل

    ضاعت منى ميت سلسيل صبحت مركز قال و مدينة
    ورق الشجر الأخضر صدى و فاحت ريحة الموت فى الطينة
    صلبوا قمرها على عمدان سرقت م الفجرية السحر
    للعشاق بقى فى السوق سعر و نامت قهر بناتها حزينة

    من طرف Admin - تعاليق: 0 - مشاهدة: 237
  • 08032012
     

    واخد على خاطرى

    واخد على خاطرى , كنت اسأل على الشمروخ
    الى أكم خد بإيديك لما كنت تدوخ
    تفوق و تضحك تفكر فى هموم الوطن
    بقيت بتنسى , الزمن طعن المحبة شروخ
    ..
    طبع الكراسى تخلى الذكريات بتبوح

    من طرف Admin - تعاليق: 0 - مشاهدة: 213
  • 08032012
     

    شتام

    شتام شديد الأدب - و حسابى عند الله
    شاعر و قلمى يخربش كل سلطة و جاه
    ح تقولوا عدوانى – كانى و مانى – دستوركو
    حكامكو عاكمينكو رهن حسب قانون اشتباه
    ...
    لذا كل من خم بلدى قصايدى مش عتقاه

    من طرف Admin - تعاليق: 0 - مشاهدة: 274
  • 08032012
     

    دولــــــة عتيـــــــقة

    دولــــــة عتيـــــــقة .. مقّــــرمة
    بانيــــــاب قديـــــمة مطّــــــرمة
    لكـــــــن تاكلكـــم ..لحــــــم نَىّ
    بطــــــرف بـــــوزها الأهتـــــمَة
    **
    لذا كل شـــــــئ صـــار (ربّما ) !!

    من طرف Admin - تعاليق: 0 - مشاهدة: 279
  • 08032012
     

    يا أيها الملأ

    يا أيها الملأ الجهول الجاهل


    يا أيها الملأ الجهول الجاهل
    سواء مثقف والا فلح .. عامل
    عايش على حبال الهوا .. تتمرجح
    ليه يا مفتح ع البواقى تفاصل
    ..
    باعو الوطن يا ابنى بشيك آجل

    من طرف Admin - تعاليق: 0 - مشاهدة: 264
  • 06032012
     

    أنا قبطى أصلا

    أنا قبطى أصلا و مصرى فى التاريخ قبطى
    فحط إيدك فى إيدى بحق لا تخطى
    هذا الوطن مش وكالة للغلط و الخوف
    سلامة الشوف _و فكر قبل ما تفتى
    ..
    اللى ظالمنا سوا..بضعفك رفع رايتى

    من طرف Admin - تعاليق: 0 - مشاهدة: 233
 
 

عدد المتصفحين الحاليين للمنتدى: لا أحد
المشرفون

لا أحد

صلاحيات هذا المنتدى:

لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى

المفتاح
  • مساهمات جديدة مساهمات جديدة
  • مساهمات جديدة [ موضوع شعبي ] مساهمات جديدة [ موضوع شعبي ]
  • مساهمات جديدة [ موضوع مقفل] مساهمات جديدة [ موضوع مقفل]
  • لا مساهمات جديدة لا مساهمات جديدة
  • لا مساهمات جديدة [موضوع شعبي ] لا مساهمات جديدة [موضوع شعبي ]
  • لا مساهمات جديدة [موضوع مقفل] لا مساهمات جديدة [موضوع مقفل]
  • إعلان إعلان
  • مثبت مثبت
  • إعلان عام إعلان عام